Amerika ÜST-ə ayrılan maliyyəni kəsdi

Associated Press xəbər verir ki, ABŞ prezidenti Donald Tramp, ölkəsinin Ümumdünya Səhiyyə Təşkilatına maliyyə köçürmələrini dayandırır.

Tramp hesab edir ki, ÜST öz əsas vəzifəsinin öhdəsindən gələ bilməyib və buna görə məsuliyyət daşımalıdır. Prezident Koronavirusun Çində yayıldığı ilk vaxtlardan Ümümdünya Səhiyyə Təşkilatının beynəlxalq ictimaiyyəti və ABŞ hökumətini düzgün məlumatlandırmadığını və buna görə ABŞ-ın pandemiyaya tam hazırlıqsız yaxalandığını hesab edir.

Qeyd edək ki, 2019-cu ildə ABŞ Ümümdünya Səhiyyə Təşkilatına 400 milyon dollar vəsait köçürüb ki, bu da təşkilatın illik büdcəsinin 15%-ni təşkil edir.