ABŞ-da dəhşət – Bir gündə 2 mindən çox insan koronavirusdan öldü

Koronavirus pandemiyasından ən çoz zərər görən ölkə olan ABŞ-da dəhşətli xəbərlər gəlməkdə davam edir.

Kanal8.az xəbər verir ki, son sutka ərzində ABŞ-da koronavirusdan 2.410 nəfər ölüb.

Bu rəqəmlə birlikdə ABŞ-da koronavirusdan ölənlərin ümumi sayı 26.059 nəfərə yüksəlib.

Con Hopkins Universitetinin açıqladığı rəqmlərə görə, ABŞ-da koronavirusa yoluxanların ümumi sayı 610.000-ə çatıb. Universitetin məlumatında dünyada 2 milyondan çox insan koronavirusa yoluxub, ölənlərin ümumi sayı isə 128.000 nəfəri keçib.

ABŞ-da koronavirus infeksiyasından qorunmaq üçün həyata keçirilən sosial məsafə qaydalarının 2022-ci ilə qədər davam edəcəyi bildirilir.