Bir yandan koronavirus, digər yandan çəyirtkələr – Afrikanın başı bəladadır

Dünyanı koronavirus infeksiyası təhdid edərkən, Afrikanı qida çatışmazlığıan yol açacaq çəyirtkə hücumu gözlənilir.

Kanal8.az xəbər verir ki, Efiopiya başda olmaq üzrə Afrika ölkələri ikinci çəyirtkə hücumna hazırlaşır.

İlk çəyirtkə hücumu son 70 ilin ən güclü hücumu kimi dəyərləndirilsə də, BMT-nin mütəxəssisləri ikinci dalğanın birincisindən 20 qat daha böyük olacağını bildiriblər.

BMT-nin Qida ve Kənd Təsərrüfatı Təşkilatının (FAO) hesablamalarına görə, Efiopiyada 200 min hektar kənd təsərrüfatı torpaqları zərər görüb. Çəyirtkələrin hücumu 356 tondan çox qarğıdalı, buğda və taxıl məhv olub.

Çöl çəyirtkələri Efiopiyadan başqa Somali, Kenya, Cibuti, Tanzaniya, Sudan, Uqanda və digər Afrika ölkələrinə zərər veriblər.