Çində əcnəbilər müalicə xərclərini özləri ödəyəcək

Çində COVID-19-dan yoluxan əcnəbilər müalicələrinin xərcini özləri ödəyəcək.

Kanal8.az xəbər verir ki, Sağlamlıq üzrə Dövlət Komitəsi, Xarici İşlər Nazirliyi, Maliyyə Nazirliyi və tibbi sığorta üzrə dövlət idarəsinin hazırladığı bildirişdə deyilir ki, “Koronavirus infeksiyası təsdiqlənmiş və dövlətin əsas sığorta proqramının iştirakçısı olmayan xarici vətəndaşlar müalicə xərcini özləri ödəməlidir”.

Qeyd olunur ki, xəstə əcnəbilər mütləq şəkildə müalicə olunmalı, sonra isə bununla bağlı sənəd təqdim etməlidirlər. Əcnəbinin kommersiya sığortası varsa, müalicə müqavilə şərtlərinə uyğun olaraq sığorta şirkəti tərəfindən ödəniləcəkdir.

Əcnəbinin ÇXR-in dövlət əsaslı sığortası varsa, müalicə üçün ödəniş sığorta qaydalarına uyğun olaraq həyata keçiriləcək, qalan hissəsi xəstə tərəfindən ödəniləcəkdir.