COVID-19-dan ən çox zərər çəkən İtaliya və İspaniya tədricən normal həyata qayıdır

COVID-19-a qarşı mübarizədə ölənlərin sayı və yoluxmalardakı artım səbəbi ilə bir aydan çoxdur ki, nəzarəti əlinə alan iki Aralıq dənizi ölkəsi pandemiyadan zərər görən iqtisadi və sosial sistemlərini düzəltmək üçün  Avropa Birliyi (Aİ)  nəzdində birlikdə işləyirlər.

Kanal8.az xəbər verir ki, bu barədə Anadolu Ajansı məlumat yayıb.

Mütəxəssislər dünyadakı COVID-19 ölümlərinin təxminən 35 faizinin İtaliya və İspaniyada görülməsi səbəbini tədbirlərə gec başlanması, diaqnostik müayinələrin olmaması və hər iki ölkədə yaşlı əhalinin çoxluğu ilə əlaqələndirirlər.

Avropada ölü sayına görə birinci yeri tutan İtaliyada son məlumatlara görə ölənlərin sayı 21.067-ə yüksəlib.

Günlük ölüm saylarında İtaliyanın 969 ilə 27 martda, İspaniyanın 950 ilə 2 apreldə zirvəyə çatmasından sonra yeni yoluxmaların sayının azalması, iqtisadi olaraq daha bir itki yaşamaq istəməyən iki Aralıq dənizi ölkəsində normala qayıdış müzakirələrini sürətləndirib.

“Peyvənd olmadan tamamilə normal həyata qayıtmaq mümkün olmayacaq”, –deyən İspaniyanın baş naziri Pedro Sançes və nazirlər, digər yandan virusun iqtisadi və sosial itkilərini minimuma endirmək üçün yollar axtarırlar.

Qeyd edək ki, İspaniyada COVID-19 səbəbi ilə 14 martdan indiyə qədər fövqəladə vəziyyət tətbiq edilib. Lakin zərurət olan bəzi yerlərin işləməsinə icazə verilib.

• İnşaat, ağır sənaye, istehsalyönümlü və kiçik biznes işləyir;

• Ticarət mərkəzləri, restoran və yeməkxanalar, bütün kollektiv tədbirlərin keçirildiyi yerlər isə hələ də bağlıdır.

Hökumət qanuna uyğun olaraq, hər 15 gündə bir uzadılmalı olan fövqəladə vəziyyətin 26 apreldən sonra mayın ortasına qədər bir daha uzadılacağını bildirib.