Rusiya Tramp-ın ÜST qərarına sərt reaksiya verdi

“Hər zaman günahlandırmağa kimisə tapırlar”

Kanal8.az xəbər verir ki, bu sözləri Rusiya Xarici İşlər Nazirliyinin sözçüsü Mariya Zaharova Rusiya xəbər agentliyi TASS-a verdiyi açıqlamasında bildirib.

ABŞ-ın Çini və Ümumdünya Səhiyyə Təşkilatını koronavirus (COVID-19) pandemiyasında günahlandırdığını deyən Zaharova, “Hilari Klintonun məğlubiyyəti səbəbi ilə Rusiyanı, ABŞ-dakı səhiyyə problemlərinə görə isə birbaşa Rusiya Prezidenti Vladimir Putini günahlandırırlar. ABŞ-a vacib olan məsum olduqlarını sübut etmək üçün xəyali dəlillərlə günahkar tapmaqdır “,-deyə bildirib.

Rusiya Xarici İşlər Nazirinin müavini Sergey Ryabkov da Vaşinqtonun dünənki qərarından son dərəcə narahat olduğunu vurğulayaraq: “Bu ABŞ rəsmilərinin pandemiya səbəbi ilə dünyada baş verənlərə çox xudbin yanaşmasıdır. Beynəlxalq ictimaiyyətin əsas gündəmində olduğu bir dövrdə bu təşkilata zərbədir və qınanılması, tənqid edilməsi lazım olan bir addımdır”.