Mütəxəssislər koronavirusla bağlı xəbərdarlıq etdi – Aptek belə təhlükəsiz deyil!

Rusiyadan olan mütəxəssislər koronavirusa yoluxa biləcəyimiz yerlər barədə araşdırma apararaq müəyyən edib ki, virusa yoluxa biləcəyimiz yerlər sırasında birinci yerdə mağazalar və apteklər durur və belə yerlərdə necə davranacağımız barədə maraqlı məlumatlar paylaşıb.

Həkimlər bildirir ki, aptekə girərkən mütləq maska taxmaq, hər ehtimala qarşı virusdan qorunmaq üçün buruna hər hansı məhlul tökmək və ya maz çəkmək lazımdır. Həkimlər həmçinin məsləhət görür ki, aptek və mağazaya getməzdən öncə nələr alacağımız barədə əvvəlcədən qeyd tutmaq və sıxlıq yaratmamaq üçün zəruri olan tələbatlarımızı alıb tez bir zamanda uzaqlaşmaqdır.

Çünki orada çox qalmaqla, növbə yaratmaqla virusa yoluxma ehtimalını artırmaq olmaz. Aptekə, mağazaya və hər hansı bir yerə daxil olarkən və ya çıxarkən əlləri antiseptiklə silmək və mütləq şəkildə maska taxmaq lazımdır.
Alınan məhsulları paketə yığan zaman diqqətli olmaq, məsələn, əlləri ağıza, buruna, gözlərə qətiyyən vurmaq olmaz.

Eyni zamanda bildirilir ki, hətta küçədə zibil qutusuna yaxınlaşarkən belə koronavirus infeksiyasına yoluxnma riski var. Bunun üçün belə yerlərə yaxınlaşarkən və ordan uzaqlaşanda da əlləri antiseptiklə silmək vacib sayılır.

Mütəxəsislər hesab edir ki, küçəyə ev heyvanları ilə çıxanlar da maksimum diqqətli olmaldırlar. Evə daxil olmazdan əvvəl ilk növbədə əlləri antiseptiklə silmək, sonra ev heyvanının pəncələrini yumaq və ya antiseptik məhlulla silmək, bundan sonra əlləri sabunla yaxşıca yumaq tövsiyə edilir