Google axtarış motoru fırıldaqçıların Covid-19 ilə əlaqəli e-mail vasitəsi ilə istifadəçilərin şəxsiyyət və kredit kartı məlumatlarına daxil olmağa çalışdıqlarını aşkar edib.

Kanal8.az BBC-ə istinadən xəbər verir ki, bu barədə şirkətin açıqlamasında məlumat verilib.

Məlumata görə, cəmi bir gündə 18 milyon e-mail göndərilir.

Şirkət COVID-19 pandemiyasının saxta fəaliyyətlərdə partlayışa səbəb olduğunu və gündə 100 milyondan çox belə e-maili blok etdiklərini açıqlayıblar. Ötən həftə göndərilən bu cür elektron məktubların 25 faizinin koronavirusla əlaqəli olduğu qeyd olunur.

Google-un elektron poçt xidməti olan Gmail dünyada 1,5 milyard insan tərəfindən istifadə olunur.

Saxta elektron poçtların insanları aldatmaq üçün Ümumdünya Səhiyyə Təşkilatı (ÜST) və dövlət qurumlarını təqlid etdikləri  deyilir.