Aprel 17, 2020

İlham Əliyev Azərbaycanın pravoslav xristian icmasını müqəddəs Pasxa bayramı münasibətilə təbrik edib

Prezident İlham Əliyev Azərbaycanın pravoslav xristian icmasını müqəddəs Pasxa bayramı münasibətilə təbrik edib.

AZƏRTAC xəbər verir ki, təbrikdə fərqli sivilizasiyaların qovşağında yerləşən Azərbaycanda yüz illərdir müxtəlif xalqların və dinlərin nümayəndələrinin əmin-amanlıq, mehriban qonşuluq, qarşılıqlı etimad və anlaşma şəraitində yaşadıqları qeyd olunur. Vurğulanır ki, dərin tarixi köklərə malik tolerantlıq ənənələrimizin qorunub saxlanılması, multikultural dəyərlərə söykənən ictimai münasibətlərin təbliği və təşviqi Azərbaycan dövlətinin həyata keçirdiyi siyasətin başlıca istiqamətlərindən biridir.

Təbrikdə daha sonra deyilir: “Azərbaycan Respublikasında formalaşmış nümunəvi dövlət-din münasibətləri cəmiyyətin bütün təbəqələri kimi, xristian icmasına da öz dini-mənəvi dəyərlərindən lazımınca faydalanmaq imkanı yaradır. Məmnunluq hissi ilə qeyd etmək istəyirəm ki, cəmiyyətimizdə özünəməxsus yeri olan pravoslav xristianlar ölkəmizdə gedən böyük inkişaf və quruculuq prosesinin fəal iştirakçılarıdır”.

Builki Pasxa bayramının bütün dünyanı bürümüş təhlükəli epidemiyanın bəşəriyyəti təhdid etdiyi bir vaxta təsadüf etdiyini qeyd edən Prezident İlham Əliyev əminliklə bildirir ki, üzləşdiyimiz qlobal bəla ilə mübarizədə həmvətənlərimiz yüksək məsuliyyət, həmrəylik və mütəşəkkillik nümayiş etdirəcək, xalqımız bu çətin sınaqdan da uğurla çıxacaq.

Dövlətimizin başçısı yeniliyin, dirçəlişin, birlik və bərabərliyin rəmzi sayılan nurlu Pasxa bayramı münasibətilə pravoslav xristian icmasının nümayəndələrinə can sağlığı, xoşbəxtlik və əmin-amanlıq arzulayıb.


Digər xəbərlər


İlham Əliyev Xocalı soyqırımının otuzuncu ildönümü haqqında Sərəncam verib

Prezident İlham Əliyev Xocalı soyqırımının otuzuncu ildönümü haqqında Sərəncam imzalayıb. Azərbaycan tarixinin ən dəhşətli səhifələrindən biri...

NATO müdafiə nazirlərinin iclası keçiriləcək

Şimali Atlantika Şurasının müdafiə nazirləri səviyyəsində iclası keçiriləcək. Kanal8-in NATO-nun saytına istinadən verdiyi xəbərə görə, müdafi...

Hava şəraiti ilə bağlı avtomobil yollarında gözlənilən vəziyyət açıqlanıb

Milli Hidrometeorologiya Xidmətinin məlumatına əsasən, yanvar ayının 29-da gecə və səhər saatlarında ölkə ərazisindəki magistral avtomobil yollar...

Yaxın gələcəkdə Qarabağda yeni astronomik stansiya qurulacaq

“Bizim təkliflərimiz əsasında yaxın gələcəkdə Qarabağ zonasında yeni astronomik stansiya qurulacaq”. Bunu AMEA N.Tusi adına Şamaxı Astrofizika...

“Buta Airways” Mineralnıye Vodıya uçuşları bərpa edir

“Buta Airways” fevral ayında Mineralnıye Vodı şəhərinə uçuşları bərpa edir . Bu barədə Kanal8-ə “Buta Airways”dən bildirilib. Məlumata görə...

Lavrov Zelenskini Rusiyaya dəvət edib

Ukrayna prezidenti Volodimir Zelenskini ikitərəfli münasibətlərin normallaşmasının müzakirəsi üçün Rusiyada qəbul etməyə hazırıq. Kanal8-in mə...

Zakir Həsənov ordu rəhbərliyinə yeni tapşırıqlar verib

«Hərbi islahatların davam etdirilməsi və qoşunların döyüş qabiliyyətinin, o cümlədən əməliyyat imkanlarının daha da artırılması 2022-ci ildə də p...

Tovuz rayonu istiqamətində mövqelərimiz atəşə tutulub

Ermənistan silahlı qüvvələrinin bölmələri yanvarın 27-si saat 20:58-dən 23:00-dək dövlət sərhədinin Tovuzqala rayonunun Çinarlı yaşayış məntəqəsi...