Türkiyədə ölüm və yoluxma artmaqda davam edir – 126 nəfər ölüb

Türkiyədə son 24 saat ərzində koronavirusdan 126 nəfər həyatını itirib.

Kanal8.az xəbər verir ki, bunu Türkiyənin Səhiyyə naziri Fahrettin Koca açıqlayıb.

Nazirin açıqladığı rəqəmlər aşağıdakı kimidir:

“Son sutka ərzində baş verən ölüm halları ilə birlikdə Türkiyədə koronavirusdan vəfat edənlərin ümumi sayı 769 nəfərə yüksəlib. Gün ərzində ölkədə 4 min 353 nəfərdə koronavirus infeksiyası aşkarlanıb. Ölkə üzrə koronavirusa yoluxanların ümumi sayı isə 78 min 546 nəfər çatıb”.

Bundan əlavə Fahrettin Koca koronavirusun dərmanının tapıldığı iddiasına da münasibət bildirib. Nazir qeyd edib ki, dərman və peyvənd həm milli, həm də ciddi işdir, bu sosial şəbəkədə açıqlanmamalıdır.

Qeyd edək ki, türkiyəli professor Ercüment Ovalı koronavirusun dərmanını tapdığını sosial şəbəkədən açıqlamışdı.