ÜST heyvan bazarları üçün xəbərdarlıq edib

Ümumdünya Səhiyyə Təşkilatının (WHO) baş direktoru Tedros Adanom Qebreyesus, koronavirus (COVID-19) pandemiyası ilə əlaqədar verdiyi açıqlamada vəhşi heyvan bazarlarının bağlı qalmalı olduğunu bildirib.

Kanal8.az CNN-ə istinadən xəbər verir ki, yeni virusların yüzdə 70 faizinin heyvanlardan insanlara ötürüldüyünün təxmin edildiyini deyən Qebreyesus, yaşanacaq başqa epidemiyaların qarşısını almaq üçün bazarlarda vəhşi heyvanların satışının müəyyən bir qaydaya tabe olmasının vacibliyini vurğulayıb.

Direktor qeyd edib ki, pandemiya ilk olaraq Çinin Uhan şəhərində oxşar bazarlarda aşkar edilib, bu bazarların dünyada milyonlarla insan üçün önəmli qida mənbəyidir, ancaq ciddi qida təhlükəsizliyi və gigiyena standartlarına riayət etdikləri təqdirdə yenidən açılmasına şərait yaradılmalıdır.

O, ÜST-un Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) və Ümumdünya Heyvan Sağlamlığı Təşkilatı ilə birlikdə, bu cür bazarların təhlükəsiz işləməsi üçün çalışdıqlarını deyib.