Dünyanın ən iri hava gəmisi Bakıda eniş edib

19 aprel tarixində səhər saatlarında Heydər Əliyev Beynəlxalq Hava limanınnda dünyanın ən iri An-225 “Mriya” hava gəmisi eniş etmişdir. Əlavə yanacaq doldurmaq məqsədilə Bakının hava limanında enən təyyarə Qazaxıstandan Fransaya kommersiya reysi yerinə yetirir.

“Mriya” aviasiya tarixində dünyanın ən iri və ən ağır yükgötürmə qabiliyyətinə malik olan hava gəmisidir və 1988-ci ildə “Antonov” aviasiya konserni tərəfindən bir nüsxədə istehsal edilmişdir. Hazırda eyni adlı “Antonov Airlines” yük aviaşirkətinin rəhbərliyi altında istismar olunur.

Bu, “Mriya”nın (Ukrayna dilində “arzu” deməkdir) Bakıda ilk enişi deyil. Heydər Əliyev Beynəlxalq Hava limanı belə böyük təyyarəni qəbul etməyə hazır olan uçuş-enmə zolağı ilə təchiz edilmiş məhdud sayda dünya hava limanları sırasına daxildir.