COVID-19 ilə bağlı təhlükəli açıqlama

COVID- 19 ağcigərləri yoluxdurduqdan sonra adi pnevmoniya ilə müqayisədə çox fərqli inkişaf edir.

Bunu İxtisasartırma İnstitutunun İnfeksiya Xəstəlikləri Kafedrasının müdiri Vladimir Nikiforov deyib.

Onun sözlərinə görə, COVID-19-a yoluxmuş xəstənin ağciyərlərindəki dəyişikliklərlə onun özünü necə hiss etməsi arasında uyğunsuzluq yaranır. Məsələn, rentgen şəklində ağciyərlərin ciddi zədələndiyini göstəridiyi halda xəstə özünü yaxşı hiss edir. Bir neçə gündən sonra isə “faciəvi çöküş” baş verir və xəstənin vəziyyəti qəflətən pisləşir.

Həkim bildirib ki, bəzi hallarda rentgen şəkillərində pnevmoniya əlamətləri demək olar ki görünmür.

Halbuki pnevmaniyanın aşkarlanması üçün bu ən inandırıcı müayinə üsuludur.

“Biz nəsə yeni bir şeylə qarşılaşmışıq. Bunun qorxulu olduğunu deməzdim, amma bütün anlaşılmaz şeylər daha qorxuludur”, – deyə V. Nikiforov bildirib.

Xatırladaq ki, koronavirus artıq dünyanın bütün ölkələrində qeydə alınıb. ÜST-ün məlumatına əsasən, virusa yoluxanların sayı 2 milyon 200 nəfərə çatıb və 150 min insan həyatını itirib.