Madaqaskarda hazırlanan bitki mənşəli COVID-19 dərmanı bu gün təqdim ediləcək

Madaqaskar prezidenti Andry Rajoelina koronavirusa (COVID-19) qarşı inkişaf etdirdikləri profilaktik və müalicəvi bitki dərmanlarını bu gün təqdim edəcəklərini açıqlayıb.

Kanal8 Anadolu Ajansına istinadən bildirir ki, milli televiziya kanalında açıqlama verən Rajoelina Madaqaskar Tətbiqi Tədqiqatlar İnstitutu tərəfindən hazırlanan və klinik testlərdən keçən həmin dərmanın “COVID Organics” adlandırıb.

Rajoelina “COVID Organics”-in ölkədəki bir çox otların qarışığından, xüsusən də “yovşan” olaraq bilinən artemisiya bitkisindən ibarət olduğunu deyib.

Prezident dərmanın dərhal kütləvi istehsalına başlayacaqlarını və əsasən qızdırma müalicəsində istifadə edilən artemisiyanın tibb dünyasında uzun müddətdir tanındığını vurğulayıb.

Digər tərəfdən, Rajoelina paytaxt Antananarivo da daxil olmaqla bir çox şəhəri əhatə edən karantin tətbiqinin qismən ləğv edildiyini bölüşərək, 21.00 – 04.00 arası fövqalədə vəziyyətin davam edəcəyini qeyd edib.

O bildirib ki, 50-dən çox insanın eyni yerdə toplanması və ictimai yerlərdə maska taxma qadağası davam edir və buna riayət etməyənlər cəzalandırılacaq.