Şassiləri- ilan məskəni, qanadları-quş yuvası – video

Hazırda bütün dünyada tuğyan edən COVID-19 aviasiya sahəsindən də yan keçmədi və “öz sözünü” burada da deməyi bacardı.

Bloomberq xəbər verir ki, dünya üzrə 62% təyyarə hazırda yerdə park edilmiş vəziyyətdədir və aviadaşıyıcılar üçün ən prioritet məsələrdən biri təyyarələrə vaxtında qulluq etmək, texniki baxış keçirmək və uzun müddət “işsiz” qaldıqları üçün onları işə yararlı vəziyyətdə saxlamaqdır. Təyyarələrin salonu tez-tez təmizlənir və xüsusi dərman vasitələri ilə yuyulur.

Bu məsələdə çətin məqam isə hərəkətsiz qalan bütün təyyarələri yer üzərində park etməkdir.

Məlumatda həmçinin bildirilir ki, təyyarələrin hamısını bir yerdə park etmək bəzən mümkünsüz olduğundan ABŞ, Hindistan və Avstraliya kimi ölkələr səhraya üz tuturlar. Buraya təyyarə saxlamaq üçün bütün şərait və avadanlıqlar gətirilib.

Lakin burada belə problemlər qaçılmazdır.

Belə ki, səhra ilanları və quşları özlərinə yeni “ev” taparaq, təyyarə şassilərinə sarılıb, quşlar isə təyyarələrin qanadlarında özlərinə yuva qurur.

Təyyarə sahibləri bu problemin həllində artıq gücsüz olduğunu bildirir. Vəziyyətin çətinliyindən danışan aviaşirkətlər heç bir zaman belə çətin vəziyyətin başlarına gələcəyinə inanmadıqlarını deyir və bu kabusun tez bir zamanda bitəcəyinə ümid edir.