Koronavirusu müəyyən edə biləcək ağıllı saat üzərində işlənilir

Stenford Universitetinin və Scripps Research araşdırma laboratoriyasının alimləri birgə layihə olaraq koronavirusu müəyyən edə biləcək fitness-qolbaq və smart-saatlar istehsalı layihəsi üzərində işləyir.

Qeyd edək ki, eyni adlı layihə üzərində Massaçusets Universiteti alimləri də işləyir. Tədqiqatçılar təqdim edilən cihaz vasitəsi ilə ilkin olaraq virusa yüngül şəkildə yoluxan xəstənin nəfəs tezliyini izləyə biləcək. Xəstənin halı pisləşdikdə həmin cizah bu haqda həm xəstəyə, həm də həkimlərə məlumat ötürə biləcək.

Belə bir cihazın yaşlı insanlara daha yararlı olacağı düşünülür. Belə ki, yaşlı insanların virusa yoluxmuş olduqlarının vaxtında aşkarlanmamaq ehtimalı yüksəkdi .

Xatırladaq ki, bundan bir müddət əvvəl eyni adlı layihə ideyası ilə Apple və Google da çıxış etmiş və həmin cihaz vasitəsi ilə virusun tez bir zamanda aşkarlanıb qarşısını alma şansının olacağını bildirmişdi.

Yeni sistem qısa əhatəyə sahib olan Bluetooth simsiz texnologiyasından, həmçinin səhiyyə işçiləri tərəfindən təsdiqlənmiş tətbiqlərdən istifadə edəcəkdir.

Bu tətbiqlər, Bluetooth siqnalı vasitəsiylə digər smartfonlarla məlumat mübadiləsi aparacaq istifadəçi əlaqələrinin bir növ xəritəsini düzəldəcəkdir. Əgər koronavirus testi müsbət çıxarsa, cihaz bunu göstərəcək və bundan sonra sistem yoluxmuş şəxsin yanında olan digər əlaqəli istifadəçilərə yoluxma riski barədə bildirişlər göndəcək İkin olaraq bu sistemin istifadəsinin könüllü olacağı ehtimal edilir.

Məlumat üçün bildirək ki, hazırda dünyada 2mln yarım insan virusa yoluxmuş, 165 mindən çox insan dünyasını dəyişmişdir.

Dünya üzrə liderlik Amerikada olaraq qalır, daha sonra isə İspaniya, İtaliya 2ci və 3cü pillədə qərarlaşır.