Dünya ölkələri Çinə qarşı – COVID-19 ətrafında suallar artır

Almaniya Çin rəhbərliyini koronavirusun yayılmasını aydınlaşdırmağa çağıran ölkələr sırasına qoşulub.

“Çin” qlobal böhran vəziyyətində, xüsusilə virusun yaranması məsələsində dürüstlük nümayiş etdirməlidir”, – deyə Almaniya İqtisadi İnkisaf Naziri Gerd Müller bildirib.

Onun sözlərinə görə, COVID-19’un laboratoriya mənşəlli nəzəriyyəsini mütləq şəkildə aydınlaşdırmaq lazımdır.

Çin Uhan Vİrusologiya İnstututu laboratoriyasının rəhbəri Yuan Çimin öz növbəsində virusun laboratoriyada yaranma ehtimalını qəti şəkilə rədd edib.

“Adı çəkilən laboratoriyada çalışan hər bir alim öz işini gözəl bilir və aparılan hər növ təhqiqat zamanı hansı virusla necə davranacağını bilən mütəxəssislərimiz çalışır və indiyədək laboratoriyanın heç bir əməkdaşı virusa yoluxmayıb”, – deyə Çimin sürülən ittihamlara cavab olaraq bildirib.

Qeyd edək ki, bundan öncə Amerikanın Fox News telekanalı koronavirusun Çində laboratoriyalardan birində ehtiyyatsızlıq üzündən sızması ittihamı ilə çıxış etmişdi.

Öz növbəsində Avstraliya Xarici İşlər nazirliyinin nümayəndəsi çıxış edərək ÜST-ü virusun necə və hanşı şəkildə yaranıb yayılmasını araşdırmağa və bu məsələdə şəffaflığı təmin etməsinə çağırıb.