Türkiyə COVID-19-a yoluxma sayında Çini keçib

Türkiyədə son 24 saatda 127 adam ölüb, 3 min 977 yeni yoluxma aşkar edilib. Ölənlərin ümumi sayı 2. 177-yə yüksələrkən, ümumi yoluxmaların sayı 86. 306-a çatıb.

Kanal8 Mehr-ə istinadən xəbər verir ki, bu barədə Səhiyyə naziri Koca açıqlama verib.

Səhiyyə Nazirliyinin dünən axşam açıqladığı koronavirüs rəqəmlərinə görə, Türkiyə yoluxma sayında Çini keçib. Türkiyədə bu gün etibarilə ümumi 86. 306 koronavirusa yoluxma halına rastlanarkən, pandemiyanın çıxdığı Çində yoluxma sayı 82. 735 olaraq açıqlanıb.

Türkiyə həmçinin, dünya daxilində ən çox yoluxma sayının olduğu 7-ci ölkə sıralamasına yüksəlib. Dünyada ən çox yoluxma olduğu ABŞ-dan sonra İspaniya, İtaliya, Fransa, Almaniya, İngiltərə və Türkiyə gəlir.