XİN başçılarının görüşü barədə həmsədrlərin BƏYANATI

Azərbaycan və Ermənistan XİN başçıları və ATƏT-in Minsk qrupunun həmsədrləri bəyanat yayıb.
Kanal8-in məlumatına görə, bəyanatda bildirilir ki, Ermənistanın Xarici İşlər naziri Zöhrab Mnatsakanyan, Azərbaycanın Xarici İşlər naziri Elmar Məmmədyarov və ATƏT-in Minsk qrupunun həmsədrləri (İqor Popov – Rusiya Federasiyası, Stefan Viskonti – Fransa və Endryu Şofer – ABŞ) mart ayının ortalarından etibarən uzaqdan tez-tez məsləhətləşmələr aparıblar və aprelin 21-də keçirilən ortaq video konfrans da bunlardan biridir. Bu müzakirələrdə ATƏT-in fəaliyyətdə olan sədrinin şəxsi nümayəndəsi Anjey Kaspişik də iştirak edib.
Müzakirələr zamanı iştirakçılar qlobal səhiyyə böhranının regiona təsirini və regiondakı son hadisələri müzakirə ediblər.
Onlar həmçinin yanvarın 30-da Cenevrədə verilmiş birgə bəyanata uyğun olaraq, Dağlıq Qarabağ münaqişəsinin nizamlanması prosesi ilə bağlı növbəti addımları nəzərdən keçiriblər.
Nazirlərin üzbəüz görüşləri və Cenevrədəki razılaşmaya uyğun olaraq həmsədrlərin bölgəyə səfərləri də təxirə salınıb. Buna baxmayaraq, bu məsələlərin həyata keçirilməsi üçün lazımi işlər davam edir.
Həmsədrlər atəşkəs rejiminə ciddi şəkildə əməl olunmasının və mövcud vəziyyətdə təxribatçı hərəkətlərdən çəkinməyin vacibliyini vurğulayaraq, tərəfləri gərginliyin daha da azaldılması üçün tədbirlər görməyə çağırıblar.
Tərəflər ATƏT-in fəaliyyətdə olan sədrinin şəxsi nümayəndəsinin hazırkı şəraitdə davam etdirdiyi işlərdən məmnun olduqlarını bildirib, monitorinqlərin mümkün qədər tez bərpa edilməsinin vacibliyini vurğulayıblar.
Siyasi sərhədlərə baxmadan bütün bəşəriyyətin qarşısında duran və hər bir insan həyatının dəyərli olduğunu xatırladan böyük çətinlikləri nəzərə alaraq Xarici İşlər Nazirləri və həmsədrlər qlobal pandemiyaya qarşı cavabın sülh prosesinə yaradıcı və konstruktiv təkan verəcəyini ümid etdiklərini bildiriblər.
Həmsədrlər, BMT Baş katibinin mövcud sağlamlıq böhranı dövründə qlobal atəşkəs tədbirlərinə dair martın 23-dəki müraciətinə və həmsədrlərin martın 19-da verdikləri bəyanata diqqət çəkiblər.
Xarici İşlər nazirləri və həmsədrlər yaxın əlaqədə qalmağa və ən qısa zamanda üzbəüz müzakirələri davam etdirməyə razılaşıblar.
COVID-19 pandemiyası nəticəsində yaranan fövqəladə vəziyyətə görə əvvəlcədən razılaşdırılmış humanitar təsvirlərin icrasının təxirə salınması etiraf edilib.
Digər xəbərlər
Lavrov Türkiyəyə gedir - Qarabağ da müzakirə olunacaq
Rusiyanın xarici işlər naziri Sergey Lavrov aprelin 6-7-də Türkiyəyə səfər edəcək. TASS xəbər verir ki, bu barədə Rusiya Xarici İşlər Nazirliy...
Azərbaycan Dövlət Su Ehtiyatları Agentliyi yaradılıb
Fövqəladə Hallar Nazirliyinin Su Ehtiyatları Dövlət Agentliyinin əsasında Azərbaycan Dövlət Su Ehtiyatları Agentliyi yaradılıb. Kanal8 xəbər v...
Azərbaycan və Fələstin XİN başçıları görüşüb
Azərbaycanın xarici işlər naziri Ceyhun Bayramov Fələstinin xarici işlər naziri Riyad Əl-Maliki ilə görüşüb. Kanal8 xəbər verir ki, bu barədə ...
Rəsmi Bakı: "Azərbaycan heç zaman mülki əhalini hədəf almayıb"
“Ermənistanın baş naziri Nikol Paşinyan Azərbaycanın etnik təmizləmə və “soyqırım” aktı törətmək niyyətində olması barədə növbəti dəfə absu...
Nikol Paşinyan və Şarl Mişel arasında telefon danışığı olub
Ermənistanın baş naziri Nikol Paşinyanla Avropa İttifaqı Şurasının Prezidenti Şarl Mişel arasında telefon danışığı olub. Bu barədə N.Paşinyanı...
İsrail Prezidenti Ceyhun Bayramovu qəbul edib
Azərbaycanın xarici işlər naziri Ceyhun Bayramov İsrail Prezidenti İsxak Hersoq ilə görüşüb. Kanal8 xəbər verir ki, bu barədə İsrail Prezident...
Ərdoğan Putinin Türkiyəyə səfər edə biləcəyi tarixi açıqlayıb
Türkiyə Prezidenti Rəcəb Tayyib Ərdoğan aprelin 27-də rusiyalı həmkarı Vladimir Putinin Türkiyəyə səfər edə biləcəyini açıqlayıb. Bu barədə Tü...
Ceyhun Bayramov İsrailin müdafiə naziri ilə görüşüb
Azərbaycanın xarici işlər naziri Ceyhun Bayramov İsrailin müdafiə naziri Yoav Qalantla görüşüb. Kanal8 xəbər verir ki, bunu İsrailin Azərbayca...