“Daily Telegraph”: İngiltərədə sosial məsafə tədbirləri bir il davam edəcək

İngiltərədəki hökumətin baş sağlamlıq müşaviri, professor Kris Vitti İngiltərədəki “gündəlik həyatı axsatan” sosial məsafə tədbirlərinin bir il çəkəcəyini deyib.

Kanal8 xəbər verir ki, bu barədə məlumat “Daily Telegraph”-da yer alıb.

“Bu mövzuda həqiqət söylənilməlidir” deyən professor Kris Vitti qeyd edib ki, küçəyə çıxmaq qadağası tez bitməyəcək, hökumət rəsmiləri ikinci bir koronavirus dalğasının qarşısını almaq üçün lazımi tədbirlər görməlidirlər.

O əlavə edib ki: “Hökumət koronavirus peyvəndi tapılana qədər, ən uyğun sosial məsafə tədbirlərindən hansını tətbiq edəcəyinə qərar verməlidir”.