Aprel 23, 2020

Ali Məhkəmə də əksər prosesləri təxirə saldı – Karantinə görə

Bu gün Ali Məhkəmənin Plenumu keçirilib.

Kanal8.az-ın məlumatlına görə, Ali Məhkəmənin sədri Ramiz Rzayev iclasda bildirib ki, Prezident İlham Əliyevin rəhbərliyi ilə ölkədə koronavirus (COVİD-19) infeksiyasının yayılması təhlükəsinin qarşısının alınması məqsədi ilə həyata keçirilən qabaqlayıcı tədbirlər nəticəsində ölüm halları minimuma endirilib.

Qeyd edilib ki, respublikada xüsusi karantin rejiminin mərhələli şəkildə aradan qaldırılması nəzərdə tutulub və buna görə karantin rejimi mayın 4-dək uzadılıb.

Plenumda xüsusi karantin rejiminin uzadılması nəzərə alınaraq “Azərbaycanda Respublikasında koronavirus (COVİD-19) infeksiyasının yayılması təhlükəsinin qarşısının alınması məqsədi ilə məhkəmələrdə həyata keçirilməsi zəruri olan tədbirlər haqqında” Qərar qəbul edilib.

Qərarda Azərbaycan Respublikasının bütün məhkəmələrinə təxirəsalınmaz qaydada baxılmalı olan, yaxud məhkəmə baxışının keçirilməsini tələb etməyən işlərə (qətimkan tədbirlərinin seçilməsi, uzadılması, dəyişdirilməsi, ləğvi, inzibati həbs nəzərdə tutulan işlər, iddianın təmin tədbirlərinin görülməsi, əmr icraatı, kiçik iddialara dair işlər üzrə sadələşdirilmiş icraat, bəzi kateqoriya üzrə xüsusi icraat işləri və sair) baxılması istisna olunmaqla, icraatlarında olan digər işlərə baxılmasının müvəqqəti olaraq təxirə salınması tövsiyə edilib.

Məhkəmələrə, həmçinin, İnzibati-Prosessual Məcəllənin 16-cı maddəsinin tələbləri nəzərə alınmaqla inzibati məhkəmə icraatı qaydasında baxılan işlərə şifahi məhkəmə baxışı (şifahi dinləmələr) keçirilmədən baxılması imkanlarından, eləcə də Mülki Prosessual Məcəllənin tələbləri nəzərə alınmaqla mülki işlər və kommersiya mübahisələri üzrə məhkəmə icraatının “Elektron məhkəmə” informasiya sistemi vasitəsilə aparılması imkanlarından istifadə edilməsi tövsiyə olunub.

Koronavirus (COVİD-19) infeksiyasının yayılması təhlükəsi tam aradan qaldırılmadığından Azərbaycan Respublikası Ali Məhkəməsi Plenumunun 19 mart 2020-ci il tarixli Qərarı qüvvədən düşmüş hesab edilib, hazırkı Plenum qərarının 23 aprel 2020-ci il tarixdən 4 may 2020-ci il tarixədək qüvvədə olması təsbit edilib.

Plenumda, həmçinin konkret işlərə baxılıb.


Digər xəbərlər


Sürücülərin NƏZƏRİNƏ! - Bu yollarda tıxac var

Bakının bir sıra yollarında tıxac müşahidə edilir. Kanal8 xəbər verir ki, bu barədə Nəqliyyatı İntellektual İdarəetmə Mərkəzi məlumatr yayıb. ...

Bakının bu rayonlarında qaz olmayacaq

Bakının Sabunçu rayonunun Kürdəxanı qəsəbəsini təbii qazla təmin edən orta təzyiqli qaz xəttinin hava kompressoru vasitəsilə kipliyə sınaq olunma...

Azərbaycana yay fəsli gəlib

Azərbaycana yay fəsli (Yay Günəş duruşu) daxil olub. Bu zaman Yerin fırlanma oxu Günəş istiqaməti ilə ən kiçik bucaq əmələ gətirir və ya Günəş...

Kadırovdan azyaşlılarla bağlı ağlasığmaz ADDIM

Çeçenistan lideri Ramzan Kadırov 17 yaşlı oğlu Əlini Dövlət Dumasının deputatı Adam Delimxanovun azyaşlı nəvəsi ilə evləndirib. Bu barədə Ukra...

Azərbaycanla bu ölkə arasında viza rejimi ləğv edilir

Azərbaycan və Mərakeş ümumvətəndaş pasportlarının sahiblərini viza tələbindən azad edir. Bu, Milli Məclisin Beynəlxalq münasibətlər və parlame...

MİDA yeni yaşayış kompleksi tikəcək: Ünvan açıqlanıb

Mənzil İnşaatı Dövlət Agentliyi (MİDA) Abşeron rayonunun Saray qəsəbəsində yeni yaşayış kompleksinin inşasına başlayır. Kanal8 “iqtisadi...

TƏBİB: Doğum evində tibb işçisinin körpənin atasından pul istəməsi məsələsi araşdırılır

Lökbatan Tibb Mərkəzinin nəznində yerləşən 4 saylı Doğum evində tibb işçisinin yeni doğulan körpənin atasından pul istəməsi ilə bağlı məsələ araş...

İki azərbaycanlı Rusiyadan ölkəmizə ekstradisiya olunub

İki azərbaycanlı Rusiyadan ölkəmizə ekstradisiya olunub. Bu barədə Baş Prokurorluğun Mətbuat xidmətinin məlumatında deyilir. Beynəlxalq müq...