Bu ölkədə koronavirus səbəbi ilə kütləvi məzarlar qazılır

Koronavirus (COVID-19) pandemiyasından ən çox təsirlənən Latın Amerikası ölkələrindən olan Braziliyadakı Amazonas əyalətində kütləvi məzarlıqlar qazılmağa başlanıb.

Kanal8 türk mətbuatına istinadən xəbər verir ki, Braziliya mətbuatında yer alan xəbərlərə görə, ölkənin Amazonas əyalətinin paytaxtı Manaosda, COVID-19 ölümləri səbəbi ilə həyatını itirənlər üçün kütləvi məzarların qazılması qərara alınıb.

Manaos Bələdiyyəsinin verdiyi açıqlamada, bildirilib ki, ölənlərin sayının artması səbəbi ilə qərara alınan bu üsuldan digər ölkələrdə də istifadə edilir və tabutlar, şəxsiyyətin qorunması ilə müəyyən məsafə saxlamaqla basdırılacaq.

Qeyd edək ki, Latın Amerikası ölkələrindən biri olan Braziliyada, 2 min 906 insanın ölümünə səbəb olan virus 45 min 757 adama yoluxub.