Putinlə bağlı araşdırmalar qadağan edildi – Rus qəzetində

Rusiya Prezidenti Vladimir Putinlə bağlı sorğular və araşdırmalar “Vedomosti” qəzetində yayımlanmayacaq.

Kanal8 xəbər verir ki, bu barədə qəzetin yeni baş redaktoru Andrey Şmarov açıqlama verib.

Şmarov bildirib ki, müstəqil qeyri hökümət təşkilatı olan Levada Mərkəzinin Putinin səlahiyyət müddəti və sorğuları barədə xəbərləri yayımlamayacaqlar.

Buna cavab olaraq, Levada Mərkəzinin sosial-mədəni tədqiqatlar şöbəsinin müdiri Aleksey Levinson “Vedomosti” ilə olan əməkdaşlığa son verdiklərini açıqlayıb.

Levada Mərkəzinin direktoru Lev Qudkov isə məsələyə “Bu mənim üçün təəccüblü olmadı. Rəsmi Kreml bizə və bizim araşdırmalarımıza daim düşmən münasibəti bəsləyib” – deyə münasibət bildirib.