Trampın “vur” əmrinə İrandan eyni cavab

ABŞ Prezidenti Donald Trampın “vur” əmrinə, İranın İslam İnqilabı Keşikçiləri Korpusundan cavab gəlib.

Kanal8 xəbər verir ki, İran İnqilab Keşikçiləri Komandiri General Hüseyin Selami eyni əmri İran Hərbi Dəniz Qüvvələrinə veridiyini açıqlayıb.

General Hüseyin Selami bildirib ki, İran üçün təhdid olan hər hərəkətə cavab verəcəklər:

“Sərhədlərimizi və təhlükəsizliyimizi təhdid edən istənilən cəhdə mütləq cavab verəcəyik. ABŞ əvvəlki cavablarımızı yaxşı bilir və bu onlar üçün kifayət edəcəkdir.

Dəniz Qüvvələrimizə ABŞ-a aid olan bir döyüş gəmisi və ya ordusu mülki və ya hərbi gəmilərimiz üçün bir təhlükə yaratsa, həmin döyüş gəmilərini, qoşunları vurmağı əmr etdim”.

Xatırladaq ki, dünən ABŞ Prezidenti Donald Tramp şəxsi “Twitter” səhifəsində “ABŞ Hərbi Dəniz Qüvvələrinə təlimat vermişəm ki, dənizdə gəmilərimizə hücum etsələr, İran silahlı gəmilərini vurub məhv etsinlər” – deyə yazmışdı.