Yeni doğulmuş körpələrinə “Dezinfeksiyaedici” adını qoydular

Hindistanda “Covıd”, “Korona” və “Təcrid”-dən sonra bu dəfə bir ailə yeni doğulmuş körpələrinə “Dezinfeksiyaedici” adını qoyub.

Koronavirus pandemiyası, ailələrə doğulacaq uşaqlarına ad qoymaq üçün ilham verməyə davam edir.

Kanal8 türk mediasına istinadən xəbər verir ki, Hindistanın şimalındakı Uttar Pradeş əyalətində yaşayan bir ailə, yeni doğulmuş körpələrinə “Dezinfeksiya edici” adını qoyub. Deccan Herald qəzetinin verdiyi məlumata görə, körpənin atası Omver Sih, pandemiya ilə mübarizəyə töhfə vermək üçün bu adı seçdiklərini deyib.

“Baş nazirimizdən tutmuş küçədəki insanlara qədər hər kəs virusla mübarizə aparır … Bu ad da bizim töhfəmizdir. Dezinfeksiyaedici koronavirusun yoluxmasının qarşısını almağın ən yaxşı yollarından biridir. Uşağımızı bu adla çağıranda bu prosesi xatırlayacağıq”,-deyə bildirib.

Məlumat üçün qeyd edək ki, daha əvvəl eyni əyalətdən olan başqa bir ailə də yeni doğulmuş qızlarına “Korona” adını qoyublar. Raipur şəhərində də biri oğlan, digəri bir qız olmaqla əkiz körpələr dünyaya gətirən cütlük, körpələrinə “Covıd” və “Korona” adlarını qoyublar.