Gürcüstan Ukraynaya təhdid mesajı göndərdi

Gürcüstan Ukraynaya təhdid mesajı göndərərək bildirib ki, Ukrayna Mixail Saakaşvilini öz ölkəsinin baş naziri müavini vəzifəsinə təyin etsə,Gürcüstan öz səfirini Ukraynadan geri cağıracaq. Xəbəri Ukrayna telekanalı 1+1 və “Corsepand Net” xəbər saytı yayıb.

Ukrayna isə öz növbəsində bildirib ki, gürcü səfirinin geri çağırılması barədə Gürcüstan Xarici İşlər Nazirliyi tərəfindən heç bir rəsmi məlumat almayıb və səfir hələ də Kiyevdə öz fəaliyyətini davam etdirir.

Məlumat üçün bildirək ki, Mixail Saakaşvili Rusiya Prezidenti Vladimir Putinə qarşı olan əsas müxalif qüvvələrdən biridir.

Xatırladaq ki, iki gün öncə Ukrayna Prezidenti Vladimir Zelenski Saakaşviliyə bu olkənin Baş Nazirinin müavini vəzifəsini təklif etmişdi və Saakaşvili bu təklifi qəbul etmişdi.

Ukraynanın hazırki durumuna nəzər salsaq görərik ki,hazırki parlamentdə əsasən prezident Zelenskinin tərəfdarları çoxluq təşkil edir və heçdə şübhə doğurmur ki, Parlament Zelenskiyə dəstək olaraq Saakaşvilinin namizədliyini dəstəkləyəcək.

Əslində mübahisəli bir şəxs kimi tanınan Saakaşvili prezident Petro Poroşenkonun hakimiyyəti dövründə iki il Ukraynanın cənubundakı Odessa əyalətinin qubernatoru olub və sonra bu vəzifədən azad edilərək, Ukrayna vətəndaşlığından məhrum edilib.