Öldüyü iddia edilən Kim Çen In-dan təşəkkür mesajı

Şimali Koreya lideri Kim Çen In ölkənin şərq sahilində yeni bir turizm bölgəsinin inşasında işləyən işçilərə təşəkkürünü bildirib. Nazir Kim Yeon-chul paytaxt Seulda keçirilən bir forumda Şimali Koreya ilə bağlı “qeyri-adi” bir vəziyyət olmadığını söyləyib.

Cənubi Koreyanın prezidenti Moon Jae-in xarici siyasət üzrə böyük məsləhətçisi Moon Chung-in verdiyi açıqlamada bildirib ki, “Hökümətimizin mövqeyi sabitdir. Kim Çen In sağdır. İndiyə qədər şübhəli hərəkətlər aşkar edilməyib “.

Son bir neçə həftə ərzində Şimali Koreyanın lideri Kim haqqında, səhhətinin yerində olmadığı və ya öldüyü barədə şayiələr yayılmışdı. İddia olunurdu ki, bir qrup çinli həkim Kimin vəziyyəti barədə məlumat vermək üçün bu ölkəyə gedib və Şimali Koreya liderinin aprelin 12-də ürək-damar əməliyyatı keçirməsi və sağalma prosesində olduğu barədə məlumatlar yayılıb.Hong Kong Peyk Televiziyası Kimin öldüyünü açıqlamışdı lakin bu xəbər heç bir məmur tərəfindən təsdiqlənməmişdi.

Kim-in Şimali Koreyanın qurucu lideri olan babası Kim İl-sungun 15 apreldə ad günü qeyd etməsi də daxil olmaqla, böyük hadisələrdən kənarda qalması səhhəti ilə bağlı fərziyyələrə səbəb olmuşdu.