Türkiyədə 4 günlük küçəyə çıxmaq qadağası sona çatıb

Koronavirus (COVID-19) ilə mübarizə çərçivəsində Türkiyə Daxili İşlər Nazirliyinin tətbiq etdiyi 4 günlük küçəyə çıxmaq qadağası bitib.

Kanal8 türk mediasına istinadən xəbər verir ki, Nazirlik tərəfindən 21 Aprel çərşənbə axşamı günü verilən qərarla Zonquldağdan əlavə böyük şəhərlər Adana, Ankara, Antalya, Aydın, Balıkesir, Bursa, Dənizli, Diyarbakır, Ərzurum, Əskişehir, Qaziantep, Hatay, İstanbul, İzmir, Kahramanmaraş, Kayseri, Kocaeli Malatya, Manisa, Mardin, Mersin, Muğla, Ordu, Sakarya, Samsun, Şanlıurfa, Tekirdağ, Trabzon və Vanın sərhədləri daxilində başlayan küçəyə çıxmaq məhdudiyyəti 96 saatdan sonra 00.00-da ləğv olunub.

Qeyd edək ki, Türkiyə Daxili İşlər Nazirliyindən verilən məlumata görə, bu müddət ərzində qaydalara əməl etməyən  35. 422 nəfər cərimə olunub və cinayət məsuliyyətinə cəlb olunub.