“Azərişıq” abonentlərə evdə qalmağı tövsiyə edir

“Azərişıq” ASC koronavirus pandemiyasının yayılmasının qarşısının alınması məqsədilə istehlakçılarına “#evdəqal” çağırışı edib. Bu məqsədlə abunəçiləri maarifləndirəcək videoçarx hazırlanıb.ASC-dən bildirilib ki, videoçarxda abunəçilərin dayanıqlı və keyfiyyətli elektrik enerjisi ilə təmin edilməsi üçün “Azərişıq” əməkdaşlarının bu çətin gündə iş başında olduqları göstərilir və bunu nəzərə alaraq istehlakçıların da “#evdəqal” çağırışına əməl etmələri tövsiyə olunur.

Sosial çarxda insanlara “Yenidən qovuşacağımız günlər yaxında, hələlik isə evdə qalın! İşıqlı günlər üçün həmrəy olaq. Çünki biz birlikdə güclüyük” çağırışı edilib.