Fransa çempionatında mövsüm ləğv edildi – Baş nazir açıqladı

17 iyunda başlaması planlanan Fransa Liqa 1 və Fransa Liqa 2-də 2019/2020 mövsümü ləğv edilib.

Kanal8 xəbər verir ki, bu qərarı Fransanın baş naziri Eduard Filip açıqlayıb.

Baş nazir bildirib ki, bu mövsüm liqlar ləğv edilir. Qərara əsasən Liqa 1 və Liqa 2 ilə yanaşı bütün liqalar, qadınlar liqası, futzal çempionatı da mövsüm ləğv edilib.

Fransa prezidenti Emmanuel Makron küçəyə çıxma qadağasının 11 maya qədər uzadıldığını açıqladıqdan sonra, futbol oyunlarının keçirilməsinin mümkünsüz olduğu bildirilib.

Qeyd edək ki, Fransa Liqa 1-də PSJ 68 xalla lider, “Marsel” 56 xalla 2-ci, “Renn” 50 xalla 3-cü, “Lill” 49 xalla 4-cü sırada qərarlaşmışdılar.