Azərbaycan iqtisadiyyatında azalma gözlənilir

“S&P Global Ratings” beynəlxalq reytinq agentliyi bu il Azərbaycanda COVID-19 pandemiyasının fonunda ÜDM-nın 6,6% azalacağnını, 2021-ci ildə isə iqtisadiyyatın bərpa olunaraq 2,6% artacağını proqnozlaşdırır.

Reytinq agentliyinin yaydığı məlumata görə, hazırda ölkənin bank sektorunda Azərbaycan bankları öz bizneslərinin böyüməsi və qazanc perspektivləri ilə bağlı artan problemlərlə üzləşirlər, bu da xarici təsirlərə həssaslıqla yanaşı, nəticədə bankların kapital buferlərinə, aktivlərin keyfiyyətinə və maliyyələşmə sabitliyinə əvvəlcədən gözləniləndəndən də ağır zərbə bura bilər.

“S&P” qeyd edir ki, iqtisadiyyatın bərpa sürəti iqtisadi dislokasiyanı azaltmaq və ev təsərrüfatlarına dəstək yönündə görülən tədbirlərin səmərəliyindən asılı olacaq.