Azərbaycanda sahibsiz heyvanlarla bağlı yeni “Qayğı Qutusu” layihəsinə start verilib

Dünyada bütün canlıların qayğıya ehtiyacı var. İnsanlar kimi digər canlılar da bizdən diqqət gözləyir. Biz bir neçə dəqiqəmizi ayıraraq birlikdə sahibsiz heyvanlara qayğı göstərə bilərik.
Bundan əlavə biz “Qayğı Qutusu” komandasına könüllü kimi də qoşularaq və ya öz “Qayğı qutu”muzu əldə edərək sahibsiz heyvanların xilaskarı ola bilərik!

“Qayğı Qutusu” nədir? – sahibsiz heyvanları xilas edən bir qutudur.

Məqsədimiz : “Qayğı Qutusu”na edilən ianələr vasitəsi ilə sahibsiz heyvanlara sahib çıxaraq qayğı göstərəcəyik.

Qutulara itlərin və pişiklərin, quşların yeyə biləcəyi, onların sağlamlığına və orqanizminə zərər yetirmiyəcək qidalardan yardım etmək lazımdır.

Sahibsiz heyvanlar üçün şokolad, göbələk, şəkərli, duzlu, istiotlu məhsullar, sümüklü balıqlar zərərlidir. İanələriniz zamanı bunları nəzərə almağınızı xahiş edirik.İanələrinizi daha çox xüsusi heyvan qidaları vasitəsi ilə etməyiniz tövsiyə olunur.

 Unutmayın, Biz birlikdə güclüyük!

Layihəmizə könüllü kimi qoşulmaq istəyənlər, “Qayğı qutusu”nu əldə edərək öz obyektində yerləşdirərək dəstək olmaq istəyən şəxslər www.qaygiqutusu.com internet səhifəsinə daxil olaraq qeydiyyatdan keçə bilər.

Həmçinin Facebook və Instagram (@qaygiqutusu) vasitəsilə müraciətlər qəbul olunur.