Putin: “Daha çox istehsal edirik, ancaq hər sahədə çatışmazlıq var”

Koronavirusun bu ayın əvvəlindən təsirini artırdığı və yoluxma sayının 100 minə yaxın olduğu Rusiyada Prezident Vladimir Putin yaşananlarla bağlı xalq qarşısında çıxış edib.

Kanal8 xəbər verir ki, Putin istehsalını artırsalar da, qoruyucu vasitələrdə, xüsusən də maska çatışmazlığının olduğunu söyləyib.

Putin bildirib ki, koronavirusla mübarizə aparan tibb işçilərində fərdi qoruyucu materialların çatışmazlığı yaşanır:

“Əvvəlki dövrlə müqayisədə daha çox məhsul istehsal edirik, lakin bu kifayət etmir. İstehsalın və idxalın artmasına baxmayaraq, hər cür material çatışmır”.

Putin hazırda Rusiyanın gündə 100 min qoruyucu geyim istehsal etdiyini, Mart ayında bu sayın cəmi 3000 olduğunu deyib.

Eyni şəkildə, o, aprel ayında maska istehsalının on dəfə artaraq gündə 8,5 milyona çatdırıldığını qeyd edib.