Aprel 29, 2020

Sumqayıtda bu küçə və yollar əsaslı təmir edilir

Azərbaycan Avtomobil Yolları Dövlət Agentliyi (AAYDA) tərəfindən Sumqayıt şəhəri ərazisində kompleks tədbirlərin icrası davam etdirilir.

Agentlikdən Kanal8-ə verilən məlumata görə, ölkə Prezidentinin sərəncamına əsasən, Azərbaycan Respublikasının 2020-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan AAYDA-ya 6,4 milyon (altı milyon dörd yüz min) manat ayrılıb.

Layihə çərçivəsində agentlik tərəfindən 135 min nəfər əhalinin yaşadığı Sumqayıt şəhərinin Corat, Hacı Zeynalabdin Tağıyev qəsəbələrində, 21-ci mikrorayon ərazisində, həmçinin “Yaşıl Dərə, “Qurd Dərəsi”, “Xəzər Bağları” yaşayış massivlərində və 5 məhəllədə ümumi uzunluğu 21.4 kilometr olan küçə və yolların təmirinin həyata keçirilməsi nəzərdə tutulurdu ki, artıq bu istiqamətdə işlərə başlanılıb. Ümumilikdə təmir işlərinin ümumilikdə əhatə edəcəyi sahə 150 min kv.m-dir.

Hazırlanan layihələrə uyğun olaraq hazırda 18-21-ci məhəllələrinin daxili yollarında və 21-ci mikrorayon ərazisində yerləşən küçələrdə təmir-tikinti işləri həyata keçirilir. Sözügedən ərazilərdə aparılan əsaslı təmir işləri 5.8 km uzunluğa malik küçə və yolları əhatə edir. Aparılan işlərin sahəsi isə 40 min kv.m-dir.

Yaxın günlərdə təmir-tikinti işlərinə Corat qəsəbəsinin 3.6 km uzunluğa malik küçələrində başlanılması nəzərdə tutulur. Qəsəbədə təmir işlərinin aparılacağı ümumi sahə 25 min kv.m-ə yaxındır.

Sərəncama əsasən, işlərin yekunlaşması ardıcıllığına uyğun olaraq Sumqayıt şəhərinin Hacı Zeynalabdin Tağıyev qəsəbəsinin, “Yaşıl Dərə, “Qurd Dərəsi” və “Xəzər Bağları” yaşayış massivlərində, həmçinin “Kotec” məhəlləsinin 12 km uzunluğa malik küçə və daxili yollarında da yenidənqurma işlərinin aparılması nəzərdə tutulur. Təmir işlərinin aparılacağı sahə 85 min kv.m-dir.

Sumqayıt şəhəri üzrə qeyd olunan ərazilərdə təmir işlərinin həcmi ilkin olaraq ayrılmış vəsait hesabına aparılır. Növbəti mərhələlərdə sərəncam və investisiya proqramı ilə ayrılacaq vəsaitə uyğun, agentlik tərəfindən şəhər üzrə ehtiyacı olan digər küçə və yollarda da yenidənqurma işlərinin aparılması nəzərdə tutulur.


Digər xəbərlər


ETX: “Azərpoçt”un adından dələduzluq halları var

Ani mesajlaşma tətbiqləri üzərindən Rəqəmsal İnkişaf və Nəqliyyat Nazirliyinə məxsus “Azərpoçt” MMC-nin adından dələduzluqlar həyata keçirilir. ...

DİQQƏT: Sabah bu rayonda qaz olmayacaq

Sabah İmişli rayonunun qaz təchizatında fasilə yaranacaq. Bu barədə Kanal8-ə Azərbaycan Dövlət Neft Şirkətinin (SOCAR) “Azəriqaz” İstehsalat B...

Polisə dəstək verənlərin geyimlərinin üzərinə “Mülki inspektor” yazılacaq

Polisə ictimai dəstək verənlərin geyimlərinin üzərinə “Mülki inspektor” sözləri yazılacaq. Bu, Daxili İşlər Nazirliyinin Kollegiyasının qərar...

Dövlətə xəyanətdə təqsirləndirilən şəxsin məhkəməsi keçiriləcək

Dövlətə xəyanətdə təqsirləndirilən Bəhruz Səmədovun cinayət işi üzrə məhkəmə istintaqı yekunlaşıb. Cinayət işi Bakı Ağır Cinayətlər Məhkəməsin...

Magistraturaya qəbul imtahanı keçiriləcək – BU TARİXDƏ

Fevralın 16-da ali təhsil müəssisələrinin magistraturalarına qəbul imtahanı (I cəhd) keçiriləcək. Bu barədə Kanal8-ə Dövlət İmtahan Mərkəzində...

İrandan Naxçıvana 101 kq-dan çox narkotikin keçirilməsinin qarşısı alınıb

Naxçıvanda külli miqdarda psixotrop maddə və narkotik vasitə aşkarlanıb. DGK Mətbuat və İctimaiyyətlə Əlaqələr İdarəsindən verilən məlumata gö...

Nazirlik övladlarını çöpçüyə aparan valideynlərə müraciət edib

“Övladlarını çöpçüyə aparan valideynlərə səslənirik ki, onların həyatını təhlükəyə atmasınlar, uşaqların sağlamlığını peşəkar mütəxəssislər...

Somali Prezidenti Bakıda Zəfər parkını ziyarət edib

Somali Federativ Respublikasının Prezidenti Hasan Şeyx Mahmud fevralın 12-də Bakıda Zəfər parkını ziyarət edib. Burada ali qonağın şərəfinə fə...