“Tesla” şirkətinin rəhbəri İlon Mask: “Koronavirus qaydaları faşizmdir, azadlığımızı qaytarın”

Tesla və SpaceX-in qurucusu, Cənubi Afrikalı sahibkar İlon Mask ABŞ-da koronavirusun yayılmasına qarşı sosial məsafə və karantin tədbirlərinin konstitusiyaya zidd olduğunu və “faşistcə” olduğunu vurğulayaraq: “Amerikalılara lənətlənmiş azadlıqlarını geri verin”-deyib.

Kanal8 BBC-ə istinadən xəbər verir ki, Mask dünən rəhbəri olduğu elektrikli avtomobil istehsalçısı “Tesla”-nın gəlirləri ilə əlaqədar yığıncaqda: “İnsanları konstitusiya hüquqlarına zidd olaraq evlərində həbs edirik və bu Amerikanın  qurduğu dəyərlərə ziddir “,- deyə ifadə edib.

Qeyd edək ki, Mask son aylarda 33.4 milyon izləyicisi olan Tviter-də yayımlanan yazılarına görə pandemiyanı ciddi qəbul etməməkdə və yalan məlumatlar paylaşmaqda günahlandırılırdı.