Tramp COVID-19 səbəbi ilə dayandırdığı səfərlərinə yenidən başlayır

ABŞ Prezidenti Donald Tramp koronavirus (COVID-19) səbəbiylə dayandırdığı səyahətlərini yenidən başlayacağını açıqlayıb.

Kanal8 Anadolu Ajansına istinadən xəbər verir ki, Tramp, Ağ Evdə ABŞ iqtisadiyyatını yenidən açmaq üçün görüşdüyü sənaye rəhbərləri ilə keçirilən dəyirmi masada jurnalistlərin suallarını cavablandırıb.

Pandemiya səbəbiylə Ağ Evdən həftələrlə çıxa bilmədiyini qeyd edən Tramp: “Səfərlərimi çox tezliklə yenidən başlayıram. Gələn həftə Arizonaya getməyi planlaşdırıram. Bu səfəri səbirsizliklə gözləyirəm”,-deyə bildirib.

“Ümid edirəm ki, çox uzaq olmayan gələcəkdə yenidən bir çox insanın qatıldığı seçki mitinqləri keçirə biləcəyəm”,-deyə prezident əlavə edib.

Tramp, ABŞ-da davam edən peyvənd axtarışları barədə də danışıb:

“Virus yox olarsa, ehtimal ki, peyvəndə ehtiyac duymarıq. Lakin peyvənd tapılsa, əla olar”.

Bir jurnalistin: “Yaxşı, bu virusun peyvənd olmadan öz-özünə gedəcəyini düşünürsüz?” sualına, o:”Bu virus yox olacaq. Bir gün, tamamilə bizi tərk edəcək. Bu aradan qaldırılacaq”,-deyə cavab verib.