May 4, 2020

Pandemiya ətrafındakı informasiya müharibəsinin gətirə biləcəyi – Böyük savaş

“Pandemiyaya səbəb olan virusun mənbəyi haqqında mövzudan uzun müddət yayınan və birbaşa cavablardan qaçan ABŞ rəsmiləri son həftə ərzində 2 dəfə COVID-19 virusunun insan tərəfindən yaradıldığını iddia edərək, onun Çinin Vuhan şəhərindəki virusoloji laboratoriyadan sızdığını deyirlər”.

Kanal8 xəbər verir ki, bu fikirləri COVID-19 virusu ətrafında dolanan informasiya savaşına münasibət bildirən təhlükəsizlik eksperti Ərastun Oruclu səsləndirib.

Təhlükəsizlik ekspreti bildirib ki, ortada fakt olmadan deyilənlər iddiadan başqa bir şey deyil:

“Bir həftə əvvəl heç bir ciddi dəlil gətirmədən bunu prezident Tramp səsləndirdi, dünən də eyni qaydada, yəni sübut-dəlil ortaya qoymadan, dövlət katibi Mike Pompeo ABS telekanalına müsahibəsində dedi. Maraqlıdır ki, hər iki yüksək dövlət rəsmisinin “bizdə yetərincə dəlillər var” deməklə kifayətlənməsi bunun ciddiliyinin ilk növbədə elə ABŞ mediası tərəfindən şübhə altına alınmasına əsas verdi.

Amma digər tərəfdən də son günlər Rusiya-Çin cütlüyü ABŞ-a qarşı komanda oyununa başlayaraq, ciddi iddialar irəli sürdülər. Təbii ki, elə amerikalı opponentləri kimi. Yəni, yenə də ortaya heç bir ciddi sübut-dəlil qoymadan. Belə ki, bəzi Rusiya KİV-ləri və ardınca da Ukraynadakı rusiyayönümlü media ABŞ-ın Rusiya ətrafında onlarla (15-i Ukraynada olmaqla) məxfi tibbi-bioloji laboratoriyasının olması haqda məlumatlar tirajlamağa başladı. İddia isə bundan ibarətdir ki, guya Pentaqon tərəfindən maliyyələşdirilən həmin laboratoriyalarda bioloji silahlar yaradılaraq testdən keçirilir. Təəccüblü deyil ki, həmin məlumatlara ani reaksiya Çindən gəldi və Pekin də onların bağlanmasını istədi. Yeri gəlmişkən, mövcudluğu iddia olunan həmin laboratoriyalardan bir neçəsinin də Gürcüstan və Ermənistanda yerləşdiyi deyilir”.

Ərastun Oruclu qeyd edib ki, baş verənlər iqtisadi savaşa gətirib çıxara bilər:

“Görünür, ABŞ rəsmilərinin bəyanatları və onlara cavab olaraq əks-kampaniya pandemiya məsələsini tibbi-epidemioloji müstəvidən diplomatik-siyasi müstəviyə keçirmək cəhdləridir ki, bunun da davamı gələcəyi halda, mövzunu böyük güclərin böyük savaşına çevirə bilər. İnformasiya və siyasi-diplomatik savaşa əlbəttə, amma təcrübə göstərir ki, belə savaş son nəticədə asanlıqla iqtisadi savaşa da çevrilə bilir. Bu isə onsuz da çətin duruma düşmüş dünya iqtisadiyyatı üçün yaxşı heç nə vəd eləmir”.


Digər xəbərlər


İlham Əliyev “Euronews” televiziyasına müsahibə verib

Azərbaycan Respublikasının Prezidenti İlham Əliyev aprelin 26-da Almaniyanın paytaxtı Berlində keçirilən “15-ci Petersberq İqlim Dialoqu”nun Yüks...

Bakıda “Yaşıl dünya naminə həmrəylik ili”nə həsr olunan beynəlxalq konfrans keçirilir

Bakıda “Yaşıl dünya naminə həmrəylik ili”nə həsr olunan VI İqtisadiyyat və İdarəetmə Sahəsində Tədqiqatçıların Beynəlxalq Elmi Konfransı (ISCEMR-...

AZAL Buxarestə və Sofiyaya 99 avrodan aviabiletlər təklif edir

“Azərbaycan Hava Yolları” QSC (AZAL) Buxarest və Sofiya istiqamətlərinə xüsusi qiymətlərlə aviabiletlər təklif edir. Kanal8 bu bar...

DİQQƏT! Bu ərazilərdə QAZ KƏSİLƏCƏK

Bu gün paytaxtın 3 rayonunun qaz təchizatında müvəqqəti fasilə yaranacaq. Bu barədə Kanal8-ə Azərbaycan Dövlət Neft Şirkətinin (SOCAR) “Azəriq...

Bu ölkə Ukraynaya 6 milyon avro ayıracaq

2024-cü ildə Latviya Ukraynada infrastrukturun inkişafına dəstək üçün 6 milyon avro ayıracaq. Bu barədə “RBC-Ukrayna” hökumət portalına istina...

Torpaq almaq üçün ipoteka krediti verilir? — VİDEO

Bakıda torpağın qiyməti bahalaşmaqda davam edir. Qiymətlər hər kəs üçün əlçatan olmadığından torpağı ipoteka ilə almaq istəyənlər də kifayət qədə...

Çin Tayvan yaxınlığında hərbi təlimlərə başlayıb

Çin Xalq Azadlıq Ordusu (ÇXAO) mayın 23-də Tayvan boğazında və Tayvan adasının ətrafında ikigünlük irimiqyaslı hərbi təlimlərə başlayıb. Bu ba...

Yağıntı ilə bağlı magistral yollarda görmə məsafəsi məhdudlaşacaq

Azərbaycanda avtomobil yollarındakı vəziyyət açıqlanıb. Bu barədə Kanal8-ə Milli Hidrometeorologiya Xidmətindən bildirilib. Bu gün dağlıq v...