May 5, 2020

Azərbaycanda təhsil işçilərinin yeni iş rejimi müəyyənləşdi

Təhsil naziri Ceyhun Bayramov koronavirus (COVİD-19) infeksiyasının yayılmasının qarşısının alınması ilə bağlı Azərbaycan Respublikasının ərazisində xüsusi karantin dövründə tətbiq edilən xüsusi iş (əmək) rejiminin müddətinin uzadılması barədə əmr imzalayıb.

Kanal8 xəbər verir ki, əmrdə deyilir:

  1. Koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadlarının qarşısının alınması məqsədilə Azərbaycan Respublikası ərazisində xüsusi karantin rejiminin müddətinin 31 may 2020-ci 00:00-dək uzadılmasını nəzərə alaraq 2020-ci il 4-31 may tarixlərində Təhsil Nazirliyinin Aparatının, onun Bakı, Sumqayıt, Gəncə, Lənkəran şəhərlərində və Abşeron rayonunda yerləşən strukturuna daxil olan qurumlarının, strukturuna daxil olmayan tabeliyindəki qurumlarının, Azərbaycan Respublikası Peşə Təhsili üzrə Dövlət Agentliyinin və “2019-2023-cü illər üçün Azərbaycan Respublikasının ali təhsil sisteminin beynəlxalq rəqabətliliyinin artırılması üzrə Dövlət Proqramı”nın İdarəetmə Qrupunun fəaliyyətinin təmin edilməsi məqsədilə hər bir qurum üzrə ümumi işçi sayının 30%-ə (rəhbər şəxslər və onların mülahizəsinə əsasən zəruri hesab edilən əməkdaşların cəmi) qədəri işə cəlb olunsunlar.
  2. Bu əmrin 1-ci bəndində qeyd olunan rayon və şəhərlərdə yerləşən qurumlar istisna olmaqla digər Təhsil Nazirliyinin strukturuna daxil olan qurumlara, strukturuna daxil olmayan tabeliyindəki qurumlara işə cəlb olunmalı əməkdaş sayı məhdudiyyəti tətbiq edilməsin.
  3. Bu əmrin 1-ci bəndində qeyd olunan şəhər və rayonda yerləşən qurumlarda rəhbər şəxslərin mülahizəsinə əsasən, iş yerində işə cəlb olunması zəruri hesab edilən əməkdaşlar müəyyən edilərkən aşağıdakı hallar nəzərə alınsın:

3.1. öhdəsində azyaşlı (7 yaşınadək) uşağı olan, yaşlılara və tibbi yardıma ehtiyacı olan şəxslərə qulluq edən əməkdaşlar işə cəlb olunmasın;

3.2. yaşı 60-dan yuxarı olan əməkdaşlar işə cəlb edilməsin;

3.3. şəxsi nəqliyyat vasitəsi olan əməkdaşların işə cəlb olunmasına üstünlük verilsin.

  1. Nazirliyin Aparatının struktur bölmə rəhbərləri və Nazirliyə tabe olan Bakı şəhərində yerləşən qurumlarının səlahiyyətli şəxsləri işə cəlb olunan əməkdaşların siyahısını hər gün Nazirliyin İnsan Resursları Şöbəsinə ([email protected]) təqdim etsinlər.
  2. Maliyyə Şöbəsinə (R.Orucov) tapşırılsın ki, işə cəlb olunmayan əməkdaşların əməkhaqqının ödənilməsi üçün zəruri tədbirləri həyata keçirsin.
  3. Bu əmrin 1-ci bəndində qeyd olunan qurumların rəhbərlərinə tapşırılsın ki, işə cəlb olunmayan əməkdaşların əməkhaqqının ödənilməsi üçün zəruri tədbirləri həyata keçirsinlər.
  4. İnsan Resursları Şöbəsinə (E.Bağırov) tapşırılsın ki, xüsusi karantin dövründə işə cəlb olunan əməkdaşlara cəlb olunduqları günlər üçün il ərzində əlavə istirahət günlərinin verilməsini təmin etsin.
  5. Təhsil Sisteminin İnformasiyalaşdırma İdarəsinə (V.Xanlarov) və Təhsil Nazirliyinin rəhbər şəxslərinə tapşırılsın ki, işə cəlb olunması zəruri hesab edilməyən əməkdaşların məsafədən işləmək imkanlarını müəyyən etsinlər və bunun üçün tələb olunan şəraitin (texnoloji əlaqə platformalarının müəyyən edilməsi, onların sazlanması və s.) yaradılmasını təmin etsinlər;
  6. Əmək fəaliyyətini iş yerində yerinə yetirən işçilərə münasibətdə aşağıdakılar nəzərə alınsın:

9.1. iclasların, görüşlərin və müzakirələrin fiziki ünsiyyət yaratmadan texnoloji avadanlıqlar vasitəsi ilə keçirilməsinə üstünlük verilsin;

9.2. sənədlərə vizaların toplanması halları istisna olmaqla, əməkdaşlar arasında sənəd və məlumat mübadiləsi elektron poçt və telefon rabitəsi vasitəsilə həyata keçirilsin;

9.3. əməkdaşların və onların ailə üzvlərindən birinin qrip, soyuqdəymə, halsızlıq, öskürək, nəfəs darlığı, burun axıntısı və digər bu kimi hallar olduğu təqdirdə həmin əməkdaşların işə cəlb olunması dərhal dayandırılsın və müvafiq tədbirlər görülsün;

9.4. əməkdaşlardan şəxsi gigiyena qaydalarına riayət olunması tələb olunsun;

9.5. əməkdaşlardan koronavirus infeksiyasının yayılmasının qarşısının alınması məqsədilə ölkədə tətbiq edilən xüsusi rejimin qaydalarına əməl olunması tələb olunsun.

  1. Əmrin 1-ci bəndində qeyd olunan qurumlarda və Vətəndaşların Qəbulu Mərkəzində vətəndaşların qəbulu 2020-ci il mayın 31-dək dayandırılsın.
  2. 2020-ci mayın 31-dək vətəndaş müraciətlərinin qəbulu Telefon Məlumat Mərkəzi (146-1) və [email protected] elektron poçt ünvanı vasitəsilə təmin edilsin.

Digər xəbərlər


Monqolustan paytaxtında etiraz aksiyaları keçirilir

Monqolustanın paytaxtı Ulan-Batorda 3 gündür davam edən etiraz aksiyaları nəticəsində 6 nəfər yaralanıb. Məlumatı xarici KİV-i yayıb. Bildi...

“WhatsApp”da video zənglər üçün yeni funksiya yaradılıb

“WhatsApp” mesencerinin istifadəçiləri videozənglərlə bağlı yeni funksiyaya giriş əldə edəcəklər. Bu barədə “WABetaInfo”nun mütəxəssisləri məl...

Zelenski “ilin adamı” seçilib

“Financial Times” qəzeti Ukrayna prezidenti Vladimir Zelenskini ilin adamı elan edib. Ukraynanın dövlət başçısı Böyük Britaniyanın əfsanəvi ba...

Hulusi Akar Azərbaycan-Türkiyə birgə hərbi təlimlərini izləyəcək

Türkiyənin milli müdafiə naziri Hulusi Akarın Azərbaycana səfərinin məqsədi açıqlanıb. Kanal8-in xəbərinə görə, bu barədə Müdafiə Nazirliyinin...

Yollar buz bağlaya bilər — Xəbərdarlıq

Şaxtalı hava şəraiti ilə əlaqədar yolların buz bağlaması ehtimalı var Milli Hidrometeorologiya Xidmətinin dekabrın 5-i saat 12:00-a olan məlum...

Türkiyədə sərnişin avtobusu tramvayla toqquşub — Xeyli sayda yaralı var

Türkiyənin İstanbul şəhərinin Alibeyköy rayonunda sərnişin avtobusu tramvayla toqquşub. Kanal8 “TRT”yə istinadən xəbər verir ki, ilkin məlumat...

Qeyri-sabit hava həftə sonunadək davam edəcək

Qeyri-sabit, yağıntılı hava şəraiti Bakı və Abşeron yarımadasında həftə sonunadək davam edəcək. Kanal8 xəbər verir ki, bunu Hidrometeoroloji P...

Azərbaycan və Türkiyə hərbçilərinin birgə təlimi keçirilir

Azərbaycanla Türkiyə arasında bağlanmış hərbi sahədə əməkdaşlıq haqqında sazişə əsasən Azərbaycan-Türkiyə birgə təlimi keçirilir. Bu barədə Ka...