Futbolda yeni dönəm – Hissələr 45 dəqiqədən az oynana bilər

İngiltərə Peşəkar Futbolçular Assosiasiyasının prezidenti Qordon Taylor Premyer Liqa ilə bağlı çox təəccüblü açıqlamalar verib.

Kanal8 xəbər verir ki, Qordon Taylor Premyer Liqada qalan matçların oynanacağı təqdirdə hissələrin 45 dəqiqədən az bir müddətdə saxlanıla biləcəyini bildirib.

Premyer Liqanın yenidən başlaması məsələsinə gəldikdə isə futbol funksioneri bunun müəmmalı olduğunu açıqlayıb:

“Dövlət məmurlarını və bütün tibb mütəxəssislərini bir araya gətirmək üçün protokol hazırlandı. Hələlik bu protokol və gələcəyimiz barədə danışa bilərik. Gələcəyimizi isə bilmirik. Bildiyimiz tək şey təkliflərimizdir. Daha çox əvəzedicilər, 45 dəqiqədən az matç hissələri və boş stadionlar, başqa heç nə”.