Çindən ABŞ-a cavab – “Əllərində fakt yoxdur”

ABŞ və Çin arasında yaşanan “Koronavirus Çin labartoriyalarında yaradılıb” gərginliyi davam edir.

Kanal8 xəbər verir ki, ABŞ-ın ittihamlarına Çindən cavab gəlib.

Çinin xarici işlər nazirliyinin sözcüsü Hua Çunyinq bildirib ki, ABŞ-ın əlində fakt yoxdur:

“Düşünürəm ki, işlər daxili siyasətdə üstünlük qazanmaq istəyən siyasətçilərə deyil, elm adamlarına və səhiyyə işçilərinə verilməlidir. Cənab Pompeo həmişə eyni iddia ilə çıxış edir, lakin heç bir sübut göstərmir. Niyə? Çünki sübutu yoxdur”.

Çin rəsmisi qeyd edib ki, ABŞ ilk növbədə daxili siyasətini tənzimləməli və etməli olduğu ən başlıca işi isə ölkədəki epidemiyaya nəzarət edərək həyatları xilas etməkdir.