May 6, 2020

“İcra hakimlərinin həbsi serial xarakteri alır”

“İcra hakimlərinin həbsi serial xarakteri alır. Buna çox yaxşı baxıram. Kaş bütün məmurlar kabinetlərində ifşa edilərək həbs olunalar”.

Bu sözləri Kanal8-ə icra başçılarının həbsi və bundan sonra atılacaq addımlara münasibət bildirən AĞ Partiya sədri Tural Abbaslı deyib.

Partiya sədri bildirib ki, məmurların heç bir qorxuları yoxdur:

“Videolara baxırıq, hamısı eyni formada pul alır. Heç bir qorxuları yoxdur. Bəlkə heç ehtimal da etmirlər ki, onların otağına kamera yerləşdirilib. Bu onların arxayınlığından xəbər verir. İllərdir eyni cür işlədikləri üçün bir arxayınlıqları var.

Əmindirlər ki, bir neçə icra başçısı görk xarakterli tutulacaq, gəlib mənə çatmayacaq. Onlar sistemin işlədiyini bilirlər, özlərini də sistemin bir parçası hesab edirlər. Tək-tük həbslər yox, sistemi dəyişmək lazımdır. Yanaşma fəlsəfəsi dəyişməlidir. O da birinci Bakıdan başlamalıdır. İcra başçıları düşünür ki, bizim yığıb aparıb verdiyimiz insanlar hələ də vəzifədədir.

Deyirik ki, icra hakimiyyətləri ləğv olunsun, bələdiyyə sədrləri onların yerini alsın. İndiki bələdiyyə sədrləri də, icra başçılarından geri qalmırlar. Səlahiyyətləri az olsa da, onlar da az səlahiyyətləri ilə rüşvətxorluq edirlər”.

Tural Abbaslı bildirib ki, rüşvətxorluğun bu həddə gəlib çıxmasına səbəb nəzarət mexanizminin olmamasıdır:

“Məlum olub ki, həbs olunan İmişlinin icra başçısı Vilyam Hacıyevin oğlunun biri Baş Prokurorluq yanında Korrupsiya idarəsində vəzifədədir. O gedib atasını həbs edəcək? Atasını araşdıracaq? Müxalifətin, azad medianın sıradan çıxarılması əslində belə neqativ halların yaranmasına gətirib çıxarıb. İctimai nəzarət, müxalifət nəzarəti və medianın nəzarəti təmin olunsa belə qanunsuzluqlar olmaz.

Düşünürəm ki, icra hakimiyyətləri ləğv edilib, bələdiyyələr formalaşdırılmalıdır. Ancaq onlar da ədalətli seçki yolu ilə seçilməlidirlər. Hakimiyyət qətiyən bu həbslərə mövsümi yanaşmamalıdır. Bütün bu proseslərdə müxalifətin iştirakını təmin etmək lazımdır”.


Digər xəbərlər


Həbs edilən gömrük generalının şikayəti rədd edilib

Bakı Apellyasiya Məhkəməsində vəzifə səlahiyyətlərini aşmaqda təqsirləndirilərək həbs edilən, “Azərterminalkompleks” birliyinin sabiq direktoru, ...

İsveç və Finlandiyanın NATO-ya üzvlük protokolu iyulun 5-i imzalanacaq

İyulun 5-də İsveç və Finlandiyanın NATO-ya qoşulması haqqında protokol imzalanacaq. Bu barədə Alyansın Baş katibi Yens Stoltenberq bildirib. ...

Daha 7000 nəfərə “Müharibə veteranı” adının verilməsi ilə bağlı qərar qəbul edilib

Müdafiə Nazirliyinin tərkibində fəaliyyət göstərən komissiya tərəfindən 7 000 nəfərdən artıq vətəndaşın da Vətən müharibəsində iştirakı ilə bağlı...

Britaniya minatəmizləmə əməliyyatlarına əlavə 500 min funt sterlinq ayırıb

Böyük Britaniya işğaldan azad olunan ərazilərinin minalardan təmizlənməsi fəaliyyətini dəstəkləmək üçün Azərbaycana 500.000 funt sterlinq ayırıb....

Azərbaycan-Latviya hərbi əməkdaşlığı müzakirə olunub

Beynəlxalq Hərbi Əməkdaşlıq İdarəsində 2022-ci il üçün ikitərəfli əməkdaşlıq planına uyğun olaraq Azərbaycan Respublikasının Müdafiə Nazirliyinin...

Rusiya aviaşirkəti Sankt-Peterburq-Bakı marşrutu üzrə uçuşlara başlayacaq

Rusiyanın “UTair” aviaşirkəti iyuldan Bakı-Sankt-Peterburq marşrutu üzrə birbaşa uçuşlara başlayır. Bu barədə şirkətinin prezidenti Oleq Semen...

Azərbaycan və İran Xudafərin körpüsünü birgə bərpa edə bilər

Anar Kərimov İran İslam Respublikasının mədəni irs, turizm və əl işləri sənayesi naziri Seyid İzzətulah Zərqami ilə görüşüb. Mədəniyyət Nazirl...

Audiovizual Şura “Muz TV”yə xəbərdarlıq edib

Azərbaycan Respublikası Audiovizual Şurasının yayım zamanı qanunvericiliyin pozulması faktı ilə əlaqədar iclası keçirilib. Bu barədə Şuradan m...