Pandemiya icbari tibbi sığortanın tətbiqinə problem yaratdı – Zaur Əliyev

“2020-ci ildən ölkə ərzaisində icbari tibbi sığortanın tətbiqinə başlamışdıq. Proses uğurlu da gedirdi. Ancaq koronavirus pandemiyası buna problem yaratdı”.

Kanal8 xəbər verir ki, bunu İcbari Tibbi Sığorta üzrə Dövlət Agentliyinin direktoru Zaur Əliyev Operativ Qərargahın brifinqində deyib.

Zaur Əliyev bildirib ki, pandemiya dönəmində prosesi davametdirmək mümkün olmadı:

“İcbari Tibbi sığorta ilə koronavirusa qarşı mübarizəni eyni zamanda aparmaq qeyri mümkün idi. Şimal regionunda onun təbqiqi davam edir. Digər regionlar isə 1 yanvar 2021-ci ilə qədər təxirə salındı”.