Tramp-dan maska istehsal müəssisəsinə “Maskasız” ziyarət

Koronavirusun yayılması ilə mübarizədə xalqa maraqlı təklifləri ilə gündəmdən düşməyən ABŞ Prezidenti Donald Tramp Arizonadakı maska istehsal müəssisəsinə baş çəkib. Sosial mediadan maska taxmayan Tramp-a tənqidlər yağıb. Kanal8 CNN-ə istinadən xəbər verir ki, onun bu hərəkətinə reaksiya verən bir çox insan “Maska fabrikinə baş çəkirsiniz, amma maska taxmırsınız, nəyi sübut etməyə çalışırsınız?”,- deyə tənqid edib.

Həmçinin, ABŞ vitse-prezidenti Mayk Pens ötən gün səhiyyə ocağına baş çəkərkən maska taxmayıb və tənqidlərə görə “maska geyinməli idim”,- deyə özünü qınayıb.