Xaçmaz rayonunda iki kəndin sakinləri icra hakimiyyətinin qarşısında aksiya keçirib

Kanal8-in məlumatına görə, Xaçmaz rayonunun Ağarəhimoba və Köhnə Xaçmaz kənd sakinləri suvarma suyu ala bilmədikləri üçün Xaçmaz Rayon İcra hakimiyyətinin inzibati binasının qarşsına toplaşıblar.

Sakinlər bir etirazlarını səsləndirdikdən sonra, icra başçısının müavini Bəxtiyar Osmanov sakinlərin qarşısına çıxaraq, onları dinləyib və vəziyyətin yaranma səsəbini izah edib.

“Xaçmaza saatda 12 kub verilməlidirsə, indi 3,5 kub su verilir. Ötən il su bol idi, indi isə su qıtlığı yaşanır. Bu səbəbdən də, kəndlərə su çatdıra bilmirik. Bu bizim günahımız deyil, problemin səbəbi su qıtlığındadır”.

Rəsmi şəxs problemin su qıtlığından qaynaqlandığını desə də, sakinlər kanalda suyun olduğunu bildiriblər.

Xaçmaz rayon icra hakimiyyətinin qarşısında baş verənlərin video görüntülərini sizə təqdim edirik: