Kim Çen In haqqında bir iddia daha: “Ortaya çıxan özü deyildi, oxşarı idi”

Şimali Koreya lideri Kim Çen In bu yaxınlarda bir açılışda iştirak edərək ölməsi haqqında iddialara son qoydu. Bəziləri isə 2017-ci ildən bir fotoşəkil göstərərək  Kimin öz yerinə oxşarından istifadə etdiyini və hələ də vəziyyətinin pis olduğunu iddia ediblər.

Kanal8 türk mediasına istinadən xəbər verir ki, Kim Çen Inın oxşarından istifadə etdiyi iddiaları tez-tez səslənsə də, son fotoların reallığına inanmayanlar 2017-ci ildə qeydə alınan bir görüntünü gündəmə gətiriblər. Sözügedən videoda Kim raket sınağı zamanı saçının qırxılma formasına qədər özünə bənzəyən iki nəfərlə söhbət edərkən görüntülənib. Videonu görənlər həmin iki nəfərin Kimin oxşarlarından istifadə etdiyinə sübut olduğunu və mayın 1-i paylaşılan fotonun da onun oxşarı olduğu fikrini müdafiə ediblər.