ÜST: Bu qitə vaxtında tədbir görməsə ildə 30 milyon yoluxma ola bilər

Ümumdünya Səhiyyə Təşkilatı koronavirus (COVID-19) pandemiyasının Afrika qitəsində  bir neçə il daha güclü ola biləcəyini və növbəti ildə 190.000 insanın ölümünə gətirib çıxaracağını açıqlayıb.

Kanal8 “Mehr” xəbər agentliyinə istinadən xəbər verir ki, ÜST koronavirusun Afrika qitəsində gələcək 6 ayda 10 milyon insana yoluxa biləcəyi haqqında  xəbərdarlıq edib.

ÜST tərəfindən yayımlanan araşdırma koronavirus tədbirlərinin ciddi şəkildə yerinə yetirilmədiyi təqdirdə, Afrika qitəsinin bir ildə 29 milyon ilə 44 milyon arasında yoluxma görülə biləcəyini ortaya çıxarıb. Proqnozların gerçəkləşəcəyi təqdirdə qitədəki səhiyyənin dözə bilməyəcəyi deyilir.

Qeyd edək ki, hazırda Afrikada 51 min koronavirusa yoluxma qeydə alınıb və 2 min 12 nəfər ölüb.