Sərt karantin günlərini digər rayonlarda keçirmək istəyənlərin NƏZƏRİNƏ

“Bakı, Sumqayıt və sərt karantin rejiminin tətbiq edildiyi şəhərlərin ərazisində yaşayan şəxslər iki günü karantin rejimi tətbiq edilməyən rayonlara getmək istəyirlər”.

Kanal8 xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Daxili İşlər Nazirliyinin Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Kamran Əliyev deyib.

Kamran Əliyev bildirib ki, sərt karantin rejimi tətbiq edilən rayonların sakinləri yaşadıqları rayonun inzibati ərazisini tərk edə bilməz:

“İnsanlarımzı elə bilir ki, sərt karantin rejimi tətbiq edilən günlər harasa gedə bilərlər. Bu düzgün deyil. Onsuzda karantin rejimi tətbiq edilən şəhər və rayonların giriş-çıxışında postlar qoyulub. Yaşadığı şəhər və ya rayonun inzibati ərazisini tərk etmək istəyən şəxslər postlardan geri qaytarılacaqlar”.