İyun 24, 2020

Trampdan sonra növbə Rusiya prezidentinə çatdı – Bolton Putinin də sirlərini açdı

“ABŞ prezidenti Donald Trampın keçmiş müşaviri Con Boltonun yeni yayımlanan qalmaqallı kitabı haqqında çox danışılır. Bolton kitabındakı misallarla Trampın siyasətdə naşı olduğunu göstərib. Trampın Finlandiyanı Rusiya ərazisi hesab etməsindən tutmuş, Böyük Britaniyanın nüvə silahına malik olması barədə məlumatlı olmamasına dair fikirlər var kitabda. Ancaq Boltonun kitabında diqqətimi daha çox onun Moskvaya səfəri zamanı Rusiya prezidenti Vladimir Putinlə danışıqlarındakı bir neçə detal çəkdi”.

Bu fikirləri Kanal8-də Boltonun qalmaqallı kitabı barədə danışarkən politoloq Elxan Şahinoğlu səsləndirib.

Politoloq bildirib ki, Rusiya ilə İran tərəfdaşdırlar və Suriyada birgə hərəkət edirlər:

“Putinin Boltona söylədiklərindən aydın olur ki, Putinin İrana etibarı yoxdur. Məsələn, Putin Boltona bunları deyib: “Trampa çatdırın ki, iranlıların Suriyada varlığından Rusiya heç nə qazanmır. İranın Suriyada fərqli maraqları var. İran Livanda şiə qrupları dəstəkləməkləri bizim maraqlarla tərs düşür. İranın mövqeyi rusların Əsədə verdiyi dəstəyə də problemlər yaradır. Biz Suriyada xaos istəmirik. İranın isə Suriyada geniş maraqları var. Bu məsələni mən İsrailin baş naziri Benyamin Netanyahu ilə də müzakirə etmişəm”.

Şübhə etmirəm ki, İran rəsmiləri və din xadimləri Putinin Boltona İranla bağlı söylədiklərini diqqətlə oxuyacaqlar. Putinin İranı İsrailin baş naziri ilə müzakirə etməsi də Tehranın heç xoşuna gəlməyəcək. Ötən il bu vaxtı Tehranda idim. Bu ölkənin diplomatları, deputatları və siyasi ekspertləri ilə görüşlərdən gəldiyim qənaət bu oldu ki, heç Tehranın da Rusiyaya və onun Suriyadakı siyasətinə inamı yoxdur.

Putin Boltonla söhbətdə Ukrayna mövzusuna da toxunub. Boltonun sözlərinə görə, əgər Moskvadakı danışıqlarda Suriya mövzusunda iki tərəf nəsə ortaq nöqtələr tapa bilirdilərsə və bunlardan biri İŞİD-ə qarşı mübarizə idisə, Ukrayna mövzusunda tam əks fikirdə olublar. Buna baxmayaraq, Putinin Boltona Krımla bağlı söylədiyi fikir diqqəti çəkir. Putin ABŞ-ın keçmiş prezidenti Barak Obamanın ona vədini xatırladıb: “Barak Obama 2014-cü ildə mənə vəd etmişdi ki, Rusiya Krımla kifayətlənsə, münaqişəyə son qoyacaq və Amerika mövcud vəziyyəti qəbul edəcək. Ancaq Barak Obama vədini yerinə yetirmədi və indiki böhranlı duruma gəlib çıxdıq”.

Görünür, Obama Putinə başa salmaq istəyib ki, Rusiya Donbasdakı separatizmə dəstək verməsə və bu bölgəni Ukraynanın ərazisi kimi tanısa Vaşinqton Krımın ilhaqına göz yummağa hazırdır. Ancaq məsələ burasındadır ki, Putin Krımla kifayətlənmədi, Ukraynanın parçalanması planını işə saldı. Elə ona görə də, Barak Obama vədindən vaz keçdi. Ancaq əgər Putin Donbass əməliyyatına başlamasaydı belə, ABŞ Konqresi, diplomatları və generalları Barak Obamaya Krımın ilhaqını qəbul etməyə imkan verməyəcəkdilər.

Con Boltonun sözlərinə görə, onunla Putin arasında görüş saat yarım çəkib və görüşün sonunda hərə öz mövqeyində qalıb. Bundan bir neçə gün sonra Putin amerikalı həmkarı Donald Trampla Finlandiyada görüşüblər. Bolton yazır ki, həmin görüşün az qala 90 faizində ancaq Putin danışıb. Putin həmin görüşdə yenə İran mövzusuna qayıdaraq, ABŞ-ın nüvə anlaşmasından çıxmasının onu az narahat etdiyini bildirib.

Con Boltonun kitabı bir daha göstərir ki, böyük dövlətlərin liderləri bağlı qapılar arxasında problemli məsələləri necə həll etməyə çalışırlar. Obama Krımı güzəştə getməyə hazır olduğunu bildirir, Putin isə İranla Suriyadakı tərəfdaşlığın Rusiya üçün faydalı olmadığını etiraf edir. Con Bolton müşavir olduğu dönəmdə Azərbaycan və Ermənistanda da səfərdə olub. Onun bu səfər və görüşlər barədə qeydlərini oxumaq da maraqlı olardı, əgər keçmiş müşavir kitabda Cənubi Qafqaza səfəri barədə yer ayırmağı lazım bilibsə…”


Digər xəbərlər


İlham Əliyev Praqada Paşinyanla görüşəcək

Praqada Azərbaycan Prezidenti İlham Əliyev, Avropa İttifaqı (Aİ) Şurasının Prezidenti Şarl Mişel, Fransa Prezidenti Emmanuel Makron və Ermənistan...

Ceyhun Bayramovun Antoni Blinkenin təşəbbüsü və iştirakı ilə Ermənistan XİN rəhbəri ilə telefon danışığı olub

4 oktyabr 2022-ci il tarixində Amerika Birləşmiş Ştatları (ABŞ) dövlət katibi Antoni Blinkenin təşəbbüsü və iştirakı ilə Azərbaycan Respublikasın...

Azərbaycan Beynəlxalq Telekommunikasiya İttifaqının Şurasına üzv seçilib

Azərbaycan Beynəlxalq Telekommunikasiya İttifaqının Şurasına üzv seçilib. Bu barədə Kanal8-ə Xarici İşlər Nazirliyindən məlumat verilib. Bi...

Ərdoğan Azərbaycana gələcək

İki həftə ərzində Zəngilan hava limanının açılışı ilə bağlı Türkiyə Prezidenti Rəcəb Tayyib Ərdoğanın Azərbaycana səfəri gözlənilir. Kanal8 xə...

Azərbaycanlılara qarşı cinayət törədənləri məsuliyyətə cəlb etmək lazımdır - Toivo Klaar

Bu gün mənə azərbaycanlılara qarşı törədilmiş hərbi cinayətləri əks etdirən bir neçə video göndərilib. Bu barədə öz “Twitter” səhi...

Cenevrədə Ceyhun Bayramovla Ararat Mirzoyan arasında görüş keçirilib

2 oktyabr 2022-ci il tarixində Cenevrədə Azərbaycan Respublikası və Ermənistan Respublikasının xarici işlər nazirləri arasında ikitərəfli görüş k...

İlham Əliyev Sofiyada Yunanıstan-Bolqarıstan Qaz İnterkonnektorunun açılış mərasimində iştirak edir

Oktyabrın 1-də Bolqarıstan Respublikasının paytaxtı Sofiya şəhərində Yunanıstan-Bolqarıstan Qaz İnterkonnektorunun (IGB) açılış mərasimi keçirili...

İlham Əliyev Bolqarıstana rəsmi səfərə gəlib (FOTO)

Azərbaycan Respublikasının Prezidenti İlham Əliyev sentyabrın 30-da Bolqarıstan Respublikasına rəsmi səfərə gedib. Kanal8 xəbər verir ki, hər ...