ÜST-dən xəbərdarlıq – “Pandemiyanın hələ başlanğıcındayıq”

Ümumdünya Səhiyyə Təşkilatının Covid-19 xüsusi nümayəndələrindən biri David Nabarro dünyanın koronavirus epidemiyasının başlanğıcında olduğu xəbərdarlığını edib.

Kanal8 xəbər verir ki, ÜST rəsmisi vəziyyətin daha da pisləşəcəyinin proqnozunu verib.

David Nabarro epidemiyanı fantastik filmlə müqayisə edib:

“Bu dəhşətli vəziyyət, epidemiyalarla əlaqəli hər hansı bir fantastik filmdə olduğundan daha pisdir. Biz epidemiyanın ziyanını təzə görməyə başlamışıq, bunun ortasında belə deyilik. Hamımız mövcud vəziyyəti dəhşətli, utandırıcı hesab edirik.

Sağlamlıq problemi o qədər nəzarətsizdir ki, indi dünyanı sarsıdır”.

Koronavirus epidemiyasının dünyanı yalnız tənəzzülə sürükləməyəcəyini xəbərdar edən David Nabarro bunları qeyd edib:

“Yoxsulların sayını iki qat artıracaq, qidalanmayan insanların sayını iki qat artıracaq, yüz milyonlarla kiçik müəssisənin iflasına səbəb olacaq və bir çox gəncin təhsil imkanlarını əlindən alacaq, böyük bir iqtisadi tənəzzülə səbəb olacaq”.