Noyabr 2, 2020

Dünya mediası Ermənistan ordusundakı muzdlulardan yazır

Ermənistanın Azərbaycanla döyüş əməliyyatlarına muzdluları, terrorçuları cəlb etməsinə dair çoxsaylı faktlar var. Bu faktlar təkcə Azərbaycan mətbuatında deyil, nüfuzlu xarici KİV-lərdə də öz əksini tapmaqdadır. Belə ki, Rusiya, Fransa, Böyük Britaniya, Avropanın bir sıra ölkələrinin KİV-ləri bu barədə mütəmadi olaraq məlumatlar dərc edir

Həmin məqalələrdə muzdular danışır, onlar döyüşmək üçün Qarabağa gəldiklərini etiraf edirlər. Həmçinin, Yaxın Şərqdən, xüsusilə, Livan və Suriyadan gələn muzdlular, PKK terroçuları Qarabağda Azərbaycan Ordusuna qarşı döyüşür.

Bu, bir tərəfdən Ermənistanın illərlə yaratdığı güclü ordu mifinin darmadağın edilməsi, digər tərəfdən isə işğalçı ölkənin faşist, terrorçu xislətinin nümayişidir. Bundan əlavə, işğalçı ölkə qanunsuz, beynəlxalq konvensiyalara zidd addımlarını pərdələmək üçün Azərbaycanın xarici muzdluları döyüşlərə cəlb etməsi ilə bağlı “feyk” xəbərlər tirajlamaqdadır. Lakin bu xəbərlərin heç birinin təsdiqi yoxdur.

Azərbaycanın dövlət başçısı dəfələrlə xarici KİV-lərə müsahibəsində sübutların təqdim edilməsini tələb edib. Lakin hələ də sübut yoxdur. Çünki Azərbaycan Ordusu kifayət qədər güclüdür və dünyanın ən güclü 50 Ordusu sırasındadır, heç bir muzdluya ehtiyacı yoxdur.

Ermənilər tərəfdən muzdlu və terrorçuların döyüşməsinə dair faktlar isə onlarladır. Məsələn, “France24” kanalı Dağlıq Qarabağda döyüşən yaraqlılarla söhbət edib. Kanalın reportajında vurğulanır ki, cəbhə bölgəsində Fransa da daxil olmaqla, bir sıra ölkələrdən olan erməni mənşəli yaraqlılar var. 28 yaşlı Fransa vətəndaşı Sipan Muradyan bildirib ki, müharibədə döyüşmək üçün Ermənistana gedir.

Ermənistan ordusunun tərkibində muzduların olduğunu “Reuters” də təsdiqləyib. Agentliyin məlumatında vurğulanır ki, Qarabağda erməni mənşəli livanlılar döyüşür.

“Livanda maliyyə böhranı başladıqdan sonra Vartkes bu yay Ermənistana köçməyə məcbur oldu. O, həmin vaxt xəyalına belə gətirmirdi ki, Dağlıq Qarabağa müharibəyə yollanacaq…”.

Yerli təlimatçı “Reuters”ə deyib ki, Argentina və ABŞ-dan yüzlərlə adam döyüş hazırlığı üçün Ermənistana qayıdıb.

Məqalədə bildirilir ki, Livanın erməni icmasının sayı 140 000-ə yaxındır və dünyanın ən böyük icmalarından sayılır. Karapet Aqacanyan yerli və xarici könüllülərə hərbi hazırlıq üzrə təlimatçıdır və 10 nəfər Livan ermənisi onun düşərgəsində hərbi hazırlıq keçib. Onun sözlərinə görə, həmin ermənilər sentyabrda hərbi əməliyyatlar başlayandan sonra Beyrutdan gəliblər və ön cəbhəyə getməyə hazırlaşırlar. Həmçinin, əlavə edilib ki, bir çox erməni hələ hərbi əməliyyatlar başlamamışdan əvvəl Beyrutdan İrəvana köçüb.

Məqalədə Qarabağ müharibəsində məhv edilən erməni mənşəli opera müğənnisi Gevork Xacyandan da söz açılıb. Onun livanlı ermənilərin “qəhrəmanına” çevrildiyi qeyd olunub.

«Arp.news.com» Rusiya vətəndaşı olan ermənilərin Qarabağda döyüşməsindən yazıb. Bildirilib ki, Rusiyadan gələn ermənilərə adambaşı 1500 dollar ödənilir.

Bundan əlavə, “Kommersant” nəşri 55 yaşlı Rusiya vətəndaşı, muzdulara rəhbərlik edən Vaqanla söhbəti yayımlayıb. Onun üçüncü ölkədə döyüşməsi birbaşa Rusiya qanunvericiliyinə ziddir və buna görə, cinayət məsuliyyəti daşıyır.

Bu yaxınlarda Fransız qəzeti «Liberation» da yenidən bu mövzuya toxunub. Qeyd edilib ki, Fransada yaşayan, ASALA terror təşkilatının 64 yaşlı üzvü Gilbert Minasyan özü ilə gətirdiyi muzdlularla birlikdə döyüşmək üçün Qarabağdadır.

Əlbəttə, Ermənistanın Azərbaycana qarşı döyüşlərə muzdlu və terrorçuları cəlb etməsi barədə faktlar yalnız bunlardan ibarət deyil. Ümumilikdə Ermənistan Qarabağ döyüşlərində terrorçu dövlət olduğunu bütün dünyaya nümayiş etdirir.


Digər xəbərlər


Müdafiə naziri azad olunmuş ərazilərdə yerləşən yeni hərbi hissələrin açılışında iştirak edib — VİDEO

Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin göstərişinə əsasən azad olunmuş ərazilərdə dislo...

İlham Əliyev və Mehriban Əliyeva Qəbələnin Nic qəsəbəsindəki Müqəddəs Məryəm Ana Alban kilsəsində olublar

Mayın 15-də Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva Qəbələnin Nic qəsəbəsində...

Qəbələ Dəmir yolu Vağzalının və Ləki stansiyası-Qəbələ birxətli dəmir yolunun açılışı olub

Mayın 15-də Qəbələ Dəmir yolu Vağzalının və Ləki stansiyası-Qəbələ birxətli dəmir yolunun açılışı olub. Kanal8 xəbər verir ki, Azərbaycan Resp...

Qəbələdə yeni körpü və avtomobil yolu istifadəyə verilib

Qəbələ rayonunda 20 min nəfər əhalinin yaşadığı 11 yaşayış məntəqəsini rayon mərkəzindən və digər yaşayış məntəqələrindən ayıran, Bum-Tikanlı-Abr...

İlham Əliyev və Mehriban Əliyeva Qəbələ rayonuna səfərə gəlib

Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva mayın 15-də Qəbələ rayonuna səfərə gə...

Gəncə Hava Limanı uçuşları bərpa edib

Gəncədə koronavirus pandemiyası səbəbindən fəaliyyətini dayandıran Beynəlxalq Hava Limanının fəaliyyəti bərpa edilib. Aeroportdan ilk reys ötə...

Ötən gecə İsrailə 200-dən çox raket atılıb

Ötən gecə Qəzza zolağından İsrail ərazisinə 200-dən çox raket atılıbBu barədə İsrail ordusunun mətbuat xidməti məlumat yayıb. Bildirilib ki, d...

Rusiyadan Qarabağdakı vəziyyətlə bağlı yeni AÇIQLAMA

Qarabağdakı Rusiya sülhməramlı kontingentinin hərbçiləri Ermənistan və Azərbaycan tərəfdən sərhəd xəttində atəşkəsə əməl olunmasını və nəqliyyatı...